Жиззахда виждон азобида қийналган ҳайдовчи уч йил ўтиб ўз айбини тан олди. Бу ҳақда Ёшлар телеканали хабар қилди.
Маълум бўлишича, 1993 йилда туғилган фуқаро 2017 йилда Пахтакор туманидаги танишининг уйига бораётганда пиёдани уриб юборган. Ҳайдовчи дастлаб пиёдани уриб юборганини билмаган ва 200 метр юргач ортга қайтган. Қайтиб келса ерда бир инсон йиғлаб ётган бўлган. Буни кўрган ҳайдовчи қочиб кетган. Натижада пиёда ҳалок бўлган.
Ўша йили ички ишлар ходимлари айбдорни топа олмагач ҳолат юзасидан очилган жиноят иши 2017 йилнинг 29 декабрида ҳаракатдан тўхтатилган. Маълум бўлишича, 1982 йилда туғилган фуқаронинг ўлимига сабабчи бўлган ҳайдовчи 2020 йилда топилган. У виждони қийналгани учун ички ишларга мурожаат қилган ва барча айбни тан олган.
“Менга ҳеч ким тазйиқ ёки руҳий босим ўтказгани йўқ. Виждоним қийналгани учун айбимни тан олиб ички ишлар ходимларига мурожаат қилиб келдим. Виждоним жуда қаттиқ қийнаяпти”, – дейди ҳайдовчи.
Маълум қилинишича, ушбу ҳолат юзасидан ЖКнинг тегишли моддаларига асосан жиноий иш қўзғатилган.
