Сирдарё вилоятида содир бўлган ёнғинда ота ва бола ҳалок бўлди. Бу ҳақда EVERYDAY.UZ мухбири хабар қилди.
Маълум бўлишича, “Ёшлик” маҳалласида жойлашган уйда ёнғин содир бўлган. Ҳодиса 20 ноябрь куни соат 03:06 ларда содир бўлган. Ёнғин хавфсизлиги ходимлари воқеа жойига 03:18да етиб келган ва ёнғин бутунлай 03:55да бартараф этилган.
Ҳодиса оқибатида 46 ёшли эркак ва унинг 19 ёшли ҳалок бўлган. Шунингдек, уй эгасининг 16 ёшли ўғли ва 14 ёшли жияни куйиш жароҳатларини олган. Ҳозирда ёнғин сабаблари ўрганилмоқда.
