Ўзбекистонда бир кунда 9 киши ис газидан заҳарланди. Бу ҳақда ҳуқуқ тартибот органлари хабар қилди.
Маълум бўлишича, шу йил 20 ноябрь куни республика бўйлаб 9 киши ис газидан заҳарланган. Хусусан, Нукус давлат педагогика институтининг 4 нафар талабаси ўзлари ижарага олиб яшаётган уйида ис газидан заҳарланган. Шунингдек, Янгийўл туманида бир оиланинг 5 нафар аъзоси (эр-хотин ва уларнинг вояга етмаган уч нафар фарзанди) ис газидан заҳарланган.
Вафот этганлар ҳақида маълумот йўқ. Ҳозирда маҳаллий ҳуқуқ тартибот органлари томонидан суриштирув ишлари олиб борилмоқда.
