Ўзбекистонлик шифокор-ортопед Яманнинг Ибб вилоятидаги ҳусийлар қамоқхонасида ҳалок бўлди.
Таъкидланишича, 55 ёшли шифокор Аззам Ярим туманидаги қамоқхонада вафот этган, аммо унинг ўлими сабаби ҳозиргача номаълум.
Жорий йил 1 январь куни ҳусий мухолифатчилари Аззамни тожикистонлик бошқа бир шифокор билан ва яманлик эркак билан ўғирлаб кетган.
Тахминларга кўра, ҳусийлар ўзбекистонлик шифокорни қамоқхонада ҳам жисмонан ва ҳам руҳан қийноққа солган.
Ҳусий жангарилари ОАВ орқали шифокор ва унинг шерикларини ликёр ишлаб чиқариш заводида ишлагани учун ўғирлаб кетганини маълум қилган.