Самақрандда вояга етмаган қизни зўрлаганликда айбланган таниқли хонанда қамоққа олинди. Бу ҳақда вилоят прокуратураси хабар қилди.
Маълум бўлишича, вояга етмаган Ш.М.нинг номусига текканликда хонанда Ж.У. гумонланмоқда ва ҳолат бўйича Самарқанд вилояти ИИБ ҳузуридаги Тергов бошқармаси томонидан ЖКнинг 118-моддаси 1-қисми билан жиноят иши қўзғатилган ва ҳозирда тергов ишлари олиб борилмоқда. Жиноий иш 9 октябрда очилган бўлсада Ш.М. ва унинг адвокати М.Рустамова вилоят прокуратурасига мурожаат қилиб, жиноят иши тергов ҳаракатларидан норозиликларини маълум қилган.
Шундан сўнг, вилоят прокурори Р.Машарипов вазиятни ўзи назоратга олган ва тез кунларда ҳолат юзасидан қонуний қарор қабул қилиниши таъкидланган. Шу ҳолатдан сўнг хонандага нисбатан ЖКнинг 118-моддаси 3-қисми “а” банди билан айб эълон қилиниб, суднинг 21.12.2020 йилдаги ажримига асосан унга нисбатан қамоқ эҳтиёт чораси қўлланилган. Тергов ҳаракатлари шахсан вилоят прокурори томонидан алоҳида назоратга олинди.
