Андижонда фуқаро “Спарк” юкхонасига солиниб, “самосуд”қилинди ва “стукач”ликда айбланди. Бу ҳақда EVERYDAY.UZ мухбири хабар қилди.
Маълум бўлишича, ҳодиса видеоси тармоқларда кенг тарқалгач, у бўйича расмий маълумот берилган. Бир гуруҳ шахслар, А.Д, М.Р, А.А, Ж.З, ва Қ.Д.лар 2020 йил 22 декабрь куни Жалақудуқ туманидаги деҳқон бозори ёнида нарх-навони расмга тушириб юрган Н.Қ.ни ушлаб олишган. Улар эркакни “стукач”лик қилиб юрибди деб ўйлаб, уни Спарк автомобилининг юкхонасига солиб қўйишган ва уни турли сўзлар билан ҳақорат қилган. Кейинчалик ушбу ҳолат бўйича суриштирув ишлари олиб борилган ва унинг натижасига кўра юқорида қайд этилган фуқароларнинг иши туман маъмурий судида кўриб чиқилган.
Суднинг 25 декабрдаги қарорига кўра қонунбузарлар МЖтКнинг 183-моддасига кўра айбли деб топилиб, БҲМнинг 3 баробари миқдорида жаримага тортилган.
