Кеча, 11 январь куни ижтимоий тармоқларда Тошкент метросида содир бўлган ҳолат видеоси тарқалди. Унда ўсмир метро вагони тутқичига оёғи билан осилиб турган ҳолда бақирган.
Ушбу видео тарқалгач пойтахт метрополитени ҳолат юзасидан муносабат билдирди. Таъкидланишича, ушбу видеони 2005 йилда туғилган А.А. ва Т.У.лар тасвирга олган. Улар пойтахтнинг Юнусобод туманидаги 105-мактаб таҳсил олишади. Уларнинг иши юзасидан вояга этмаганлар билан ишлайдиган бўлим шуғулланади. Уларнинг хатти-ҳаракати юзасидан МЖтКнинг 115-моддасига биноан чора кўрилиши белгиланди. Болаларнинг ота-оналари ва мактаб маъмурияти билан бу ҳақда гаплашилган.
Ўсмирларнинг мақсади –инстаграмдан кўпроқ обуначи йиғиш ва уни ривожлантириш бўлган. Эътиборли жиҳати, видеода ўсмир “Ўзбекистонда ҳеч қила олмаган” ишни содир этаётган вақтда атрофдагилар шунчаки томошабин бўлиб турган.