Аввалроқ Жиззах вилоятида янги қурилаётган кўп қаватли уйнинг бир қисми қулаб тушгани ҳақида ёзган эдик. Мустақиллик кўчасидаги 6 қаватли уйнинг бир қисми 10 январь куни соат 17:10ларда қулаб тушган эди.
Мавжуд маълумотларга кўра, унинг қурилиши билан «Чорвадор-Қоракул-Барака» МЧЖ фирмаси шуғулланган. Қатор ОАВда бу уй ушбу фирманинг қурилиш соҳасидаги илк лойиҳаси бўлгани ёзилмоқда.
Ўша куни янги йил байрамлари сабабли қурувчилар ва қурилишга масъул бўлган шахслар воқеа жойида бўлмаган. Ушбу сабабга кўра ҳодиса натижасида ҳеч ким жароҳатланмаган. Қурилиш қоидалари бузилгани учун шу иш содир бўлгани таҳмин қилинмоқда. Бугунги кунда бинонинг иккинчи томонидаши 6 қавати ҳам авария ҳолатида экани айтилмоқда. Хавфсизлик мақсадида ўша кўчада ҳаракатлар тўхтатилган. МЧЖ вакиллари эса журналистлар билан гаплашмаяпти. Эслатиб ўтамиз, ушбу ҳодисани ўрганиш бўйича ҳукумат комиссияси тузилган.
