Аввалроқ Самарқандда эркак хотинини ўлдириб, мурдани уй ичида қолдирган ҳолда ёқиб юборгани ҳақида ёзган эдик.
Маълум бўлишича, ушбу иш бўйича суд жараёни бўлиб ўтган. Унда ҳолат юзасидан тафсилотлар маълум қилинган. 53 ёшли айбланувчи бундан олдин ҳам, 2001 йилда хотинини ўлдиришга ҳаракат қилган. Лекин ўшанда аёлининг аризасига кўра эркак енгил жазо олиб, озод қилинган.
Судья Фарруҳ Самадовнинг таъкидлашича, Эркак хотини билан оилавий низолар сабаб жанжаллашган. Тергов давомида эркак ва аёл ўртасида уй можароси бўлгани аниқланган. Шунингдек, эркакнинг айтишича хотини уни ҳурмат қилмай қўйган ва шундан сўнг жанжал бўлган. Эркак хотинини болға билан уриб, кейин бўғиб ўлдирган. Уйни эса ёқиб юборган. Ҳодисадан сўнг эркак ўзини ҳам ўлдиришга ҳаракат қилган лекин, бахтли тасодиф сабабли унинг жони омон қолган.
Суд қарорига кўра эркакка нисбатан 18 йилга озодликдан маҳрум қилиш жазоси тайинланган.
