Видеода мудира тарбияланувчилардан бирини урганини кўриш мумкин. Мудира Роҳатой Аҳророва ўз хатти-ҳаракатларига изоҳ берди.
“Ўзимни тўғри тута олмадим. Фақат мен нима сабабдан ўзгалар олдида ҳақоратли сўзлар айтяпсан дедим. У сўзларни эшитгандан кейин ўзимам қизиққонлик қилиб, билмаган тарзда уриб юбордим, жуда жаҳлим чиқди. Чунки гуруҳда 30га яқин бола бор эди. Тўғри, уриш мумкин эмас. Лекин биз болани бунақа даражагача етиб боришга қараб ўтирсак уларнинг келажаги нима бўлади?”, – дейди боғча мудираси.
Эслатиб ўтамиз, мазкур ҳолат юзасидан вилоят прокуратураси томонидан терговга қадар текширув ҳаракатлари олиб борилаётгани маълум қилинган эди.
