Ижтимоий тармоқларда Андижонда қиз отаси томонидан зўрлаб келинаётганлиги ҳақида хабарлар тарқалди. Бу ҳақда EVERYDAY.UZ мухбири хабар қилди.
Маълум бўлишича, Хўжаобод туманида яшовчи вояга етмаган қиз отаси томонидан зўрлаб келинаётганлигини айтиб, видеомурожаат қилган. Шундан сўнг ушбу ҳолатга ҳуқуқ тартбиот органлари эътибор қаратган. Бош прокуратура матбуот хизматининг маълум қилишича, ушбу ҳодиса юзасидан Хўжаобод тумани ИИБ томонидан терговга қадар текшириш ҳаракатлари ўтказилмоқда.
Шунингдек, видеода қиз бу ҳолат бўйича тегишли идораларга мурожаат қилган бўлишига қарамай ҳеч қанақа чора кўрилмаётганини ҳам айтган. Ушбу ҳолат юзасидан ўша тегишли идоралар ходимларига нисбатан хизмат текширувлари тайинлангани маълум қилинди. Текшириш жараёни Андижон вилояти прокуратураси томонидан назоратга олинган.
