2021 йил 14 январь куни Балиқчи туманида қотиллик содир бўлди. Бу ҳақда ИИВ хабар қилди.
Маълум бўлишича, соат 20:30ларда фуқаро И.Д. қўшниси Д.Б.ни баланд овозда сўккан. Аниқланишича, ўша куни И.Д. маст ҳолатда бўлган. Бунга чидай олмаган Д.Б. кетмон билан И.Д.нинг жағ қисмига уриб, ўлдириб қўйган.
Ҳолат юзасидан ЖКнинг 97-моддаси 1-қисми билан жиноят иши қўзғатилиб, Д.Б. ушланган. Тергов ҳаракатлари олиб борилмоқда.