Самарқанд вилояти Каттақўрғон туманида 17 ёшли фуқаро ИИБга мурожаат қилди. Бу ҳақда вилоят прокуратураси хабар қилди.
Маълум бўлишича, фуқаро П.Э. мурожаатида уни 2 январь куни фуқаро И.С. Матиз машинасида зўрлаганини билдирган. Шунингдек, у яна бир фуқаро С.Р. ҳам уни Жигули машинасида зўрлаганини маълум қилиб, қонуний чора кўришни сўраган.
Шундан сўнг, П.Э.нинг танасида тан жароҳатларига аниқлик киритиш мақсадида судга оид тиббий экспертиза тайинланган ва тўпланган ҳужжатларга кўра, ЖКнинг 118-моддаси (номусга тегиш) 1-қисми билан жиноят иши қўзғатилган. Айни вақтда тергов ҳаракатлари олиб борилмоқда.
Ушбу ҳолатдан кейин, жабрланувчининг аризасида келтириб ўтилган фуқаро С.Р. 13 январь куни уйида вафот этган. Жабрланувчининг ўзи эса 10 январдан бери бедарак йўқолгани маълум бўлган. Айни вақтда ҳолат юзасидан Каттақўрғон шаҳар прокуратураси томонидан терговга қадар текшириш ҳаракатлари олиб борилмоқда.
Таъкидлаш жоиз, аввалроқ хонанда Жасур Умиров ҳам Каттақўрғонда вояга етмаган қизнинг номусига текканликда айбланиб, ҳибсга олинган эди.
