Бугун, 20 январь куни “Янги-Ангрен” ИЭСда портлаш содир бўлди. Бу ҳақда ФВВ хабар қилди.
Маълум бўлишича, соат 11:42да ИЭС ҳудудидаги профилактика учун тўхтатилган 5-энергия блокида чанг-кўмирли ҳаво аралашмасининг чақнаши содир бўлган. Ушбу ҳодиса оқибатида ўша ерда хизмат олиб бораётган ходимларнинг уч нафари ҳалок бўлган, яна уч нафари тан жароҳати олган. Воқеа жойида ФВВ масъуллари иш олиб бораётгани маълум қилинди.
Воқеа сабаблари ўрганилмоқда. Вазирлик ахборотида ИЭС инфратузилмаси ва технологик ускуналарига шикаст етмагани таъкидланди.