Шу йил 11 январь куни Навоий вилояти Зарафшон шаҳрида ғалати ҳолат содир бўлди. 34 ёшли аёл М.А. ўз ваннасида чўмилаётган 40 ёшли эркакни видеога олди.
Аёл эркакнинг танишлари ҳамда маҳалладошлари орасида видеони тарқатиб юбориш билан қўрқитиб, ундан 3 млн сўм талаб қилди. Ҳуқуқ тартибот органларининг саъйи ҳаракатлари эвазига аёл айтилган пулнинг 1 млн 900 минг сўмини олаётганда шаҳар марказидаги “Мўжизалар майдончаси” номли савдо марказида ушланди.
Ҳозирда ҳолат юзасидан ЖКнинг 165 моддаси 1-қисми (“Товламачилик”) билан жиноий иш қўзғатилган. Маълумотда аёл эркакнинг уйида қандай пайдо бўлиб қолгани ва қандай қилиб видеога олишга муваффақ бўлгани айтилмаган.