Аввалроқ Янги-Ангрен ИЭСда портлаш бўлгани сабабли 3 киши ҳалок бўлгани ҳақида ёзган эдик. Маълум бўлишича, ҳодисадан сўнг марҳумнинг оила аъзоларига моддий ёрдам кўрсатилган.
Кун нашрининг маълум қилишича, Янги-Ангрен ИЭСда портлаш содир бўлган цехнинг раҳбари 40 ёшли С.Ш. 23 январь куни уйида ўзини осиб қўйган. Марҳум содир бўлган ҳодиса юзасидан терговга жалб қилингани айтилмоқда.
Ҳозирча марҳум нима сабабдан ўзини осгани маълум эмаслиги хабар қилинди. Эслатиб ўтамиз, шу йил 20 январь куни «Янги Ангрен» ИЭСда профилактика чораларини кўриш учун тўхтатилган 5-энергия блокида чанг-кўмирли ҳаво аралашмасининг портлаши юз берган. Унда 3 киши ҳалок бўлган ва яна 3 нафари тан жароҳати олган.
