Тошкентда 17 ёшли ўсмир ўз отасини ўлдирди. Бу ҳақда ИИББ хабар қилди.
Мавжуд маълумотларга кўра, 22 январь куни соат 01:00ларда ҳуқуқ тартибот органларига оилавий можаро ҳақида мурожаат келиб тушган. Ходимлар Шота Руставели кўчасидаги кўп қаватли уйдаги хонадонга етиб борган.
Ҳуқуқни муҳофаза қилувчи органлар ходимлари воқеа жойига етиб борганда хонадонда 47 ёшли А.И.нинг жасади аниқланган. Фуқаро шифохонага олиб борилган, лекин кўрсатилган ёрдамга қарамай у вафот этган. Таъкидлаш жоиз, марҳум аввал ҳам судланган бўлган. Унинг ўлимида 17 ёшли ўғли айбланмоқда. Таъкидланишича, мактаб ўқувчиси оилавий можаро вақтида отасини пичоқлаган.