Тошкентда банкоматларни ўмарган йигит қўлга олинди. Бу ҳақда ҳуқуқ тартибот органлари хабар қилди.
Маълум бўлишича, Тошкентда 27 ёшли йигит ўтган йили 27 ноябрь куни Қўйлиқ-5 даҳасидаги банкоматни ўмариб, ичидаги 87 млн сўмни олиб кетган. Шундан сўнг ўша йигит орадан бир ой вақт ўтиб Миробод ва Яккасарой туманларидаги банкоматларни ҳам ўмарган. Шу йил 16 январь куни эса у Қушбеги кўчасидаги банкоматни ярим тунда болгарка ёрдамида кесаётганда ўша ҳудуддаги нонвойхона ишчилари кўриб қолган ва улар дарҳол ИИБга кўнғироқ қилган. Тезкор тадбир давомида йигит ушланган ва суриштирувлар давомида юқоридаги учта ўғриликни айнан у содир этгани маълум бўлган. Маълум қилинишича, йигит агар Қушбегидаги банкоматни ҳам ўмарганда 250 млн сўмдан ортиқ пулларни олиб кетган бўлар эди.
Йигитнинг айтишича, у 2020 йил 12 декабрда тўйини ўтказиш учун 76 млн сўм қарз олган ва ўшаларни қайтариш мақсадида мана шу ишга қўл урган.
Ҳозирда ҳолат юзасидан ЖКнинг 169-моддаси 4-қисми а банди (жуда кўп миқдорда моддий зарар етказиш) билан жиноят иши қўзғатилган. Йигит ҳибсга олинган.
