Маълум бўлишича, шу йил 19 февраль куни соат 23:13 да тез ёрдамга қўнғироқ бўлган. Шундан сўнг шифокорлар Тошкент шаҳри Яшнобод тумани Яшнобод 6-тор кўчасидаги хонадонга соат 23:25да етиб борган. У ерда бемор, 52 ёшли бемор Д. Н.нинг аҳоли оғир эканлиги маълум бўлган ва ходимлар беморни шифохонага олиб келишган ва беморга "Гипертония касаллиги. Гипертоник криз. Ўпка шиши ва агонал ҳолат” ташхиси қўйилган. Фуқаро реанимацияга ётқзиилган. Беморда шундан сўнг клиник ўлим қайд этилган ва Кўрсатилган зарур тиббий муолажаларга қарамай орадан 30 дақиқа ўтиб беморда биологик ўлим қайд этилган. Бемор вафот этгани ҳақида унинг яқинларига айтилганда унинг фарзандлари тез тиббий ёрдамнинг 32 ва 21 ёшли шифокорларини ваҳшийларча калактлаган. Оқибатда иккиси ҳам турли жароҳатлар билан реанимацияга ётқизилган.
Вазирликнинг маълум қилишича, ҳолат бўйича ҳуқуқ тартибот органларига мурожаат қилинган.
Айбдор шахслар қаттиқ жавобгарликка тортилишини таъминлашда амалий ёрдам сўралди, – дейилади вазирлик ахборотида.