Тошкентда юридик университети талабаси вафот этди. Бу ҳақда кун нашри хабар қилди.
Нашрнинг маълум қилишича, 3 курс талабаси қуриб битказилмаган бинонинг иккинчи қаватидан йиқилиб ҳалок бўлган. Маълум бўлишича, Баходир Бозоров Бектемир тумани ҳокимияти ёнидаги қурилишда ишлаган ва ўша ерда яшаган. Талаба молиявий қийинчиликлар сабаб ҳам ишлаб ҳам ўқишга мажбур бўлган. Унинг дўстларининг сўзларига кўра, марҳум анча вақтдан бери ОТМга ўқишга кира олмай юрган бўлган, орзуйи амалга ошгач эса у барча қийинчиликларга тайёр бўлган. Унинг дўстлари ёш йигит пул етишмовчилиги сабабли ҳар куни қийналганини таъкидлади.
Фожиа 27 феврал куни содир бўлган. Бозоров лифт учун қурилган бетонли шахтага тушиб кетган. Кўрсатилган ёрдамга қарамай у вафот этган. Таъкидланишича, унинг жасади Сурхондарё вилоятига юборилган ва дафн этилган.