Тошкент шаҳрида жойлашган Ботаника боғида ёнғин юз берди. Бу ҳақда ФВВ хабар қилди.
Маълум бўлишича, бугун соат 11:55ларда боғнинг орқа томонидаги очиқ майдонда қуриган хас-хашак ва буталган шох-шаббаларда ёнғин содир бўлган. Воқеа жойига зудлик билан ўт ўчирувчилар етиб бориб, уни бартараф этган.
Ёнғин боғнинг ички қисмига ўтмаган ва ўрмон фондига зарар етмаган. Жабрланганлар йўқ. Ҳодиса сабаблари ўрганилмоқда.
