Кеча ижтимоий тармоқларда оммавий муштлашув содир бўлган видео тарқалди. Видео изоҳида ҳодиса Чорвоқда содир бўлгани айтилган.
Ҳуқуқ тартибот органлари ушбу ҳолатни ўрганди ва унинг натижасига кўра қуйидагилар маълум қилинган. Маълумотда ҳодиса Бўстонлиқ тумани “Новобод” МФЙ ҳудудидаги “Пирамида -Чорбоғ оромгоҳи” соҳилида содир бўлгани айтилган. Лекин, у ердаги соҳилнинг суви ва кўриниши ҳамда унинг атрофидаги муҳит ва бошқа жараёнлар ҳозирда ўзгарганлиги ҳамда бу йил шу вақтгача ўша ҳудудда бу каби ҳодиса содир бўлгани ҳақида маълумот келиб тушмаганлиги учун воқеа 2018-2019 йил оралиғида содир бўлгани таҳмин қилинмоқда.
Айни вақтда ҳодиса юзасидан суриштирув ишлари амалга оширилмоқда.