Аввалроқ Наманган вилоятида ака-ука шифокорни аёвсиз калтаклагани ҳақида ёзган эдик. Ҳодиса шу йил 28 июль куни Наманган шаҳридаги поликлинкада содир бўлган.
Ўша куни 22 ёшли йигит акасининг ҳарорати борлигини айтиб, шифокорга мурожаат қилган. Шифокор ҳарорат ўлчаганда йигитнинг акасида ҳарорат 36,6 чиққан ва шифокор ҳавотирга ўрин йўқлигини айтган. Бунга жавобан ака-ука нотўғри ташхис қўйдинг дея жанжаллашаб кетган. Ака бир мушт туширган, ука эса устига чиқиб олиб аёвсиз калакталаган ва шифокор хушини йўқотган. Ушбу иш судда кўриб чиқилган.
Суд ҳукмига кўра, ука 2 йилга озодликдан маҳрум қилинган. Акага эса 360 соат мажбурий жамоат ишлари жазоси тайинланган. Унинг қамоқдаги ҳар бир куни жазонинг 4 соатига тенглаштирилган ва унда тайинланган жазодан 144 соат мажбурий жамоат ишлари жазоси қолдирилди.
