Россиянинг Тула вилоятида ўзбекистонлик аёл нотагиш шахс томонидан супермаркетда ваҳшийларча ўлдириб кетилди. Бандлик ва меҳнат муносабатлари вазирлиги мазкур воқеа юўасидан расмий баёнот берди.
"Ўзбекистон Республикаси Бандлик ва меҳнат муносабатлари вазирлиги хузуридаги Ташқи меҳнат миграцияси агентлигининг Москвадаги Бош вакиллиги хабарига кўра, кеча Тула вилоятининг Узловая шаҳридаги «Пятерочка» супермаркетида 34 ёшли Андрей.К кассир аёлга ҳужум қилиб, пичоқ билан 20га яқин жароҳат етказган.
Жабрланган Умида.С исмли аёл Ўзбекистон фуқароси ва 3 нафар фарзанд онаси бўлиб, касалхонада ҳаётдан кўз юмган. Жиноятчи қўлга олинган.
Айни дамда Агентлик вакиллари Умида.Снинг жасадини Ўзбекистонга қайтариш чора-тадбирларини кўришмоқда. Шу муносабат билан марҳуманинг яқин қариндошларини Ўзбекистон Республикаси Бандлик ва меҳнат муносабатлари вазирлиги хузуридаги Ташқи меҳнат миграцияси агентлигига ёки агентликнинг Россия Федерациясидаги вакилига мурожаат қилишларини сўраймиз.
Ўзбекистон Республикаси Бандлик ва меҳнат муносабатлари Вазирлигининг тезкор телефон тармоғи:
+99871-200-06-00
Ташқи меҳнат миграцияси агентлигининг Москва шаҳридаги телефон тармоғи:
+7-9250454744" - дейилади вазирлик расмий баёнотида.