Отабек Муродов: «Прокуратура ваколатларини асоссиз равишда кенгайтириш бошланган эди»

8-05-2019, 09:40
Сиёсат
Отабек Муродов: «Прокуратура ваколатларини асоссиз равишда кенгайтириш бошланган эди»
Бош прокурор Отабек Муродов бошқа органлар штатлари ҳисобидан прокуратура ваколатлари асоссиз равишда кенгайтириб юборилганини тан олди. Бу ҳақда "Газета.уз" хабар қилди.

Ўзбекистон прокуратура органларида қатор лавозимларнинг бекор қилинишини назорат органи вазифаларига кирмайдиган ваколатларнинг қисқартирилиши сифатида қабул қилиш лозим. Бу ҳақда бош прокурор Отабек Муродов 4 май куни Олий Мажлис Сенатининг 19-ялпи мажлисида маълум қилди.

Президент Шавкат Мирзиёевнинг 15 мартдаги фармони билан прокуратура тизимидаги қатор лавозим ва бошқармалар тугатилди. Текширувларни электрон рўйхатга олиш ягона тизими Бош прокуратура тасарруфидан Тадбиркорларнинг ҳуқуқларини ҳимоя қилиш бўйича вакил тасарруфига ўтказилди. Бош прокуратура ҳузуридаги Агросаноат мажмуи ва озиқ-овқат хавфсизлиги таъминланиши устидан назорат қилиш инспекцияси эса Вазирлар Маҳкамаси ҳузуридаги Агросаноат мажмуи устидан назорат қилиш инспекцияси этиб қайта ташкил этилди.

«Гап прокуратура соҳасидаги ислоҳотларнинг давом эттирилаётгани ҳақида кетмоқда. Агар эътибор қилган бўлсангиз, сўнгги икки йил ичида прокуратура жуда кўп янги ходимларни: 476 кишини — солиқ органларига, 1700 кишини — Агроинспекцияга штатга қабул қилди. Гап прокуратура штатларининг эмас, балки ушбу йилларда қўшимча қабул қилган штатларнинг қисқартирилиши борасида кетмоқда», — деди бош прокурор.

Отабек Муродов бошқа органлардан қўшимча штатларнинг қўшилиши натижасида прокуратуранинг ўз вазифаларига кирмадиган ваколатларини асоссиз равишда кенгайтириш бошланганини тан олди.

Президент фармони билан прокуратура органларининг қисқартирилаётган 1198 та штат бирликларидан 87 таси — Тадбиркорларнинг ҳуқуқларини ҳимоя қилиш бўйича вакил девонига, 470 таси — Давлат солиқ қўмитаси бўлинмаларига йўналтирилади.

Бош прокурорнинг қайд этишича, штатларнинг қисқартирилиши иш самарадорлигига таъсир кўрсатмайди. «Қонунга кўра, прокуратура бошқа барча органлардан мутахассисларни жалб этиш бўйича ваколатга эга бўлган назорат органи ҳисобланади. Шунинг учун иш самарадорлигига таъсир кўрсатиши ҳақида гап бўлиши мумкин эмас», — деди у.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Тошкентда 19 ёшли қиз унга уйланишни ваъда қилиб, айтган гапида турмаган йигитнинг машинасини ёқиб юборди

Тошкент шаҳрида автомобиль ёқиб юборилди. Бу ҳақда EVERYDAY.UZ мухбири пойтахт ИИББ маълумотига таяниб хабар қилди....
Бугун, 10:40

Паркент тумани ҳокимлиги 260 млн сўмга минилган Каптива сотиб олди

Тошкент вилоятида Паркент тумани ҳокимлиги минилган Каптива сотиб олди. Бу ҳақда давлетов.уз канали хабар қилди. Маълум...
Кеча, 21:14
/ Муҳокамалар +8

Бухорода кучли шамолдан азият чекканларга ажратилган фоизсиз кредитларнинг 2 млрд сўми банк ходимлари томонидан ўзлаштирилди

Бухоро вилоятида шу йил 27 апрелда кузатилган кучли шамол 141,6 млрд сўм зарар келтирган. Шундан сўнг ундан талофат...
Кеча, 18:46
/ Муҳокамалар +8

Жиззахда ичида уч нафар бола бўлган Матиз ёниб кетди

Жиззах вилоятининг Шароф Рашидов туманида Матиз ёниб кетди. Бу ҳақда ҳуқуқни муҳофаза қилувчи ўрганлар хабар қилди....
Кеча, 18:27

Қашқадарёда мактаб директори ўз жонига қасд қилди

Қашқадарё вилояти Китоб туманида мактаб директори ўз жонига қасд қилди. Бу ҳақда ОАВда хабарлар тақарлди. Маълум...
Кеча, 10:10