Ихтиёр Абдуллаев «порахўрлик ботқоғига ботган»ликда айбланмоқда

10-05-2019, 14:55
Сиёсат
Ихтиёр Абдуллаев «порахўрлик ботқоғига ботган»ликда айбланмоқда
Давлат хавфсизлик хизматининг собиқ раиси Ихтиёр Абдуллаев Ўзбекистондаги ҳуқуқни муҳофаза қилувчи органлар раҳбарлик лавозимларига ўзига содиқ кадрларни қўйиши орқали давлатнинг бутун сиёсий фаолияти устидан назорат ўрнатишга уринган. Бу ҳақда "Дарё" "Xabar.uz"да 4 май куни эълон қилинган мақолага таяниб хабар қилди.

«У ‘хизмат’нинг аввалги гегемонлик кайфиятини қўмсашда, ҳуқуқий чегарадан чиқиб, коррупция ва порахўрлик ботқоғига ботганликда айбланмоқда. Президент бу ҳолатда ғалвирни баланд кўтаришга мажбур бўлди ва унга сиёсий ишончсизлик билдирди», — дейилади Эркин Жарчи имзоси билан эълон қилинган материалда.

Қайд этилишича, «собиқ генерал ҳурфикр сайтларни ёпиш, ижтимоий тармоқларга чеклов қўйиш, хориждаги айрим таъсирли ватандошларни сунъий равишда мухолифатга айлантириш орқали Президент олиб бораётган демократик ўзгаришларни аҳолига бузиб кўрсатишга интилган, бу орқали ўзи учун келгусида яхши сиёсий платформа ҳозирлаган».

«Албатта, барча ноқонуний ишларга охирги нуқтани суд ҳокимияти қўяди. Унинг ортида кимлар турган, қандай мақсадлар яширин, ишга кимларни жалб қилган, кимлар хайрихоҳ ва кўмакчи бўлган... барчасига ойдинлик киритилиши шубҳасиз», — дейилади мақолада. Ва бу жараённи муаллиф «Абдуллаев иши» деб таърифлаган.

Эслатиб ўтамиз, Ихтиёр Абдуллаев 2019 йил 11 февралида Давлат хавфсизлик хизмати раиси лавозимидан озод қилинган эди. Президент Администрацияси томонидан берилган изоҳга кўра, Абдуллаев «соғлиги ёмонлашгани туфайли (кейинги бир йилда бўйин ва бел умуртқа поғонасида икки марта оғир жарроҳлик амалиётини ўтказган) ўз аризасига биноан лавозимидан озод этилган».
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Hilola Abduhalumova 11 май 2019 07:21
Узидан "Инаятов-2' ясамокчи буган эканде .
Хайтметов Уктам 15 май 2019 08:30
Буларни так туби билан камаш керак хоразм вил прокурори булган турдиев дегани бор эди хоразм вилояти гурлан туман прокурори жасур ахметов деганлари бор одамларга азоб бериб
собик ДХХ раиси Абдуллаевга куп воколат берилганан сунг, узининг ножуя режасин амалга оширмокчи эканда, вактида тухтатгани яхши булган, бумаса халкга жабр булар эди…

МУНОСАБАТ БИЛДИРИШ

Сўнгги янгиликлар

ЎзМУ талабасига Президент совғаси топширилди

Куни кеча Президент Шавкат Мирзиёев ЎзМУда олий таълим ва илмий-тадқиқот муассасалари раҳбарлари, академиклар, ёш...
Бугун, 13:44

Саида Мирзиёева муҳим қарор лойиҳасини жамоатчилик муҳокамасига қўйганини маълум қилди

Ахборот ва оммавий коммуникациялар агентлиги директори ўринбосари Саида Мирзиёева Ўзбекистон Республикаси...
Кеча, 16:18
/ Муҳокамалар +2

Ойналар "тонировка" қилингани учун жарима миқдори 25 бараварга оширилди

Ўзбекистон Республикасининг Маъмурий жавобгарлик тўғрисидаги кодексига ўзгартиш ва қўшимчалар киритилди. Унга кўра...
Кеча, 10:54

Андижон туман ҳокими танқидларга чидай олмай газетани судга берди

Андижон тумани ҳокими Улуғбек Исомиддинов вилоят ҳокимлигининг нашри – «Андижоннома» ижтимоий-сиёсий газетаси...
Кеча, 10:32

Шавкат Мирзиёев ва Абдулла Арипов Олмазор туманига боради

Бугун, 24 май куни Ўзбекистон Президенти Шавкат Мирзиёев Тошкент шаҳридаги бунёдкорлик ишлари билан танишади ва бир...
Кеча, 10:25