Айрим вилоятларда инвестицияга жавоб берувчи ҳоким ўринбосарлар лавозими тугатилди

24-05-2019, 10:01
Сиёсат
Айрим вилоятларда инвестицияга жавоб берувчи ҳоким ўринбосарлар лавозими тугатилди
Ўзбекистон Республикаси Инвестициялар ва ташқи савдо вазирлиги фаолиятини такомиллаштиришга оид қўшимча чора-тадбирлар тўғрисида Президент қарори қабул қилинди. Бу ҳақда Адлия вазирлиги хабар қилди.

Қарорда таъкидланишича, фойдаланилмаётган объектлардан самарали фойдаланиш, шунингдек бўш турган ва қурилиши тугалланмаган объектларнинг ишлаб чиқариш фаолиятини тиклашга қаратилган инвестиция лойиҳалари (“йўл хариталари”)ни ишлаб чиқиш бўйича идоралараро комиссиясининг ишчи органи функциялари Инвестициялар ва ташқи савдо вазирлиги зиммасига юклатилди.

Вазирликка қўшимча равишда 70 та бошқарув ходимлари штат бирлиги, шу жумладан Қорақалпоғистон Республикаси Инвестициялар ва ташқи савдо вазирлиги, вилоятлар ва Тошкент шаҳар инвестициялар ва ташқи савдо бошқармаларига 5 тадан штат бирликлари ажратилди.

Қарорга мувофиқ, қуйидаги лавозимлар жорий этилди:
ҳоким ўринбосари – вилоятлар ва Тошкент шаҳар инвестициялар ва ташқи савдо бошқармаси бошлиғи;
ҳоким ўринбосари – туман (шаҳар) инвестициялар ва ташқи савдо бўлими бошлиғи.

Қарор билан айрим вилоят, шаҳар, туман ҳокимликларидаги бир қатор лавозимлар, жумладан, Бухоро, Самарқанд, Тошкент ва Хоразм вилоятлари ҳокимликларидаги ҳокимнинг инвестициялар, инновациялар, хусусийлаштирилган корхоналарга кўмаклашиш, эркин иқтисодий ва кичик саноат зоналари ҳамда туризмни ривожлантириш масалалари бўйича ўринбосари лавозими тугатилди.

Вилоятларда, туманларда (шаҳарларда) кичик саноат зоналарини ҳамда Тошкент шаҳрида саноатни ривожлантириш борасидаги вазифалар ҳокимнинг иқтисодиёт ва тадбиркорлик масалалари бўйича тегишли биринчи ўринбосари зиммасига юкланди.

Шунингдек, қарор билан Инвестиция лойиҳаларини ишлаб чиқиш маркази ташкил этилиб, унинг асосий вазифалари ва фаолият йўналишлари белгиланди.

Марказ директори Ҳукумат томонидан тайинланади ҳамда у моддий таъминот, ижтимоий ва транспорт хизмати кўрсатиш шартлари бўйича вазир ўринбосарига тенглаштирилади.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Сергели тумани ҳокими бир йил ҳам ишламай лавозимидан озод этилди

Сергели тумани ҳокими бир йил ҳам ишламай лавозимидан озод этилди. Бу ҳақда маҳаллий ОАВларда маълум қилинди. Туман...
Бугун, 20:35

Бош вазир маҳалла вазирлиги раҳбарияти Раҳмат Маматов, Ботир Парпиев и Азиз Икромовга ҳайфсан берди

Бош вазир маҳалла ва оилани қўллаб-қувватлаш вазирлиги раҳбарияти Раҳмат Маматов, Ботир Парпиев и Азиз Икромовга...
Бугун, 20:26
/ Муҳокамалар +3

Олий таълим вазири долзарб саволларга жавоб берди

Ўзбекистон олий таълим вазири долзарб саволларга жавоб берди. Ином Мажидов Тошкентда бўлиб ўтган матбуот анжуманида...
Бугун, 18:44
/ Муҳокамалар +1

Олмалиқда номаълум шахс томонидан 100 та муҳтож оиланинг ҳар бирига 2,5 кг гўшт ва 1 миллион сўмдан пул ажратилди

Олмалиқда номаълум шахс томонидан 100 та муҳтож оиланинг ҳар бирига 2,5 кг гўшт ва 1 миллион сўмдан пул ажратилди. Бу...
Бугун, 16:47
/ Муҳокамалар +4

«Сифатсиз йўлларни таъмирлаш, радарларни кўпайтириш масалалари ҳам кўрилмоқда» – Пўлат Бобожонов

Ўзбекистон ички ишлар вазири Пўлат Бобожонов Сенат йиғилишида йўл транспорт ҳодисалари билан боғлиқ вазиятлар ҳақида...
Бугун, 15:45
/ Муҳокамалар +4