«Қонунчилигимиз бу йўлдан орқага қайтмайди» – Бош прокуратура ўлим жазоси қўлланилишига муносабат билдирди

18-06-2019, 11:19
Сиёсат
«Қонунчилигимиз бу йўлдан орқага қайтмайди» – Бош прокуратура ўлим жазоси қўлланилишига муносабат билдирди
Хабар берилганидек, кеча 17 июнда Ахборот ва оммавий коммуникациялар агентлигида Ўзбекистон Бош прокурори ўринбосари Эркин Йўлдошев ва журналистлар иштирокида интервью ташкил этилди. Унда мамлакатимизда коррупцияга қарши курашиш борасида амалга оширилаётган ислоҳотлар, коррупциянинг олдини олиш масалалари муҳокама қилинди. Бу ҳақда агентлик матбуот хизмати хабар қилмоқда.

Бош прокурор ўринбосари Эркин Йўлдошевнинг алоҳида қайд этишича, Бош прокуратура томонидан олиб борилаётган тарғиботлар халқимизнинг фикрида коррупцияга муросасизлик кайфиятини сингдириш, бундай жиноятларга жазо муқаррар деган дунёқарашни шакллантиришга хизмат қилмоқда.

Катта ёки кичик лавозимдаги мансабдорларнинг жиноятлари очиқланаётгани, улардан халқ хабардор қилинаётганининг асосий сабаби ҳам шу.

«Биз, давлат идоралари, халқимиз, шу жумладан, сиз (ОАВ) билан биргаликда, ўзбек жамиятини ичидан соғломлаштира олсаккина, ташқаридан бўлган хавф, яъни коррупцияни жиловлаш вазифаси натижа беради, — дея таъкидлади Йўлдошев. — Коррупцияга қарши курашда нафақат шу йўналишдаги Дастурнинг ўзи, балки Ўзбекистон Республикасининг Ривожланиш Стратегиясида кўзда тутилган ҳар бир Дастур, ҳар бир тадбир ўзининг самарасини бераяпти, уларнинг ўзаро боғлиқлиги намоён бўлаяпти».

Бош прокурор ўринбосарининг қайд этишича, жиноят қонунчилигига коррупцион жиноятлар учун фавқулодда жазо сифатида ўлим жазосини белгилаш билан коррупция ҳолатларига тўлиқ барҳам бериб бўлмайди.

«Қонунчилигимизда илгари ўлим жазоси қўллаш бор эди, қонунларни қўллашнинг узоқ йиллик тажрибасидан келиб чиқиб, бундай қатиққўллигимиз шахсни кайта тарбиялашда самара бермаган, айрим ҳолатларда инсон ҳуқуқларини тузатиб бўлмайдиган даражадаги поймол этилишига ҳам олиб келгани учун бу амалиётдан воз кечилган, қонунчилигимиз бу йўлдан орқага қайтмайди», — деди Йўлдошев.

«Қамоқхонани маҳкумларга тўлдириб ташлайвериш билан иш битмайди, — деди Бош прокурор ўринбосари. — Бизнинг вазифамиз жиноятнинг содир этиб қўйишини олдини олиш, агар шундай бўлган бўлса, жиноят оқибатларини минималлаштириб, хато қилган шахсни жамиятдан бутунлай узилиб кетишига йўл қўймасдан қайта тарбиялаб, элга қўшишдан иборат. Токи бу шахс хатосини тушунсин, афсус қилсин, қилган жиноятининг оқибатини бартараф этишда ўзи иштирок этиб, жамиятга етказган зарарини минималлаштирсин».
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Бахриддин 18 июн 2019 23:49
Улим жазосини куллаш керак
босс 19 июн 2019 12:41
Конунга Улим жазосини киритиш керак .Шунда хаммаеок ЗУР булади .Порахурллар куркмастан порани обеотибди .Хаммасини Уйни мусодара кивориш керак .Шунда Каламушла камаяади .Конунга Карши Чиквоткани Шундан Билса Булади Хаммаси Порахур Каламуш .

МУНОСАБАТ БИЛДИРИШ

Сўнгги янгиликлар

Коронавирусдан тузалган бемор касалликка қандай чалингани ҳақида айтди

Хабарингиз бор коронавирусдан Ўзбекистонда яна 4 нафар бемор соғайди. Кун.уз мухбирлари касалликдан тузалган фуқародан...
Бугун, 01:56

Ўзбекистонлик санъаткорлар қанча пул хайрия қилгани маълум бўлди

«Ўзбекконцерт» давлат муассасаси сўнгги вақтларда тармоқларда санъаткорлар томон билдирилаётган танқидларга жавоб...
Кеча, 22:17
/ Муҳокамалар +4

Видео: Аваз Охун томошабинсиз концерт берди

Қизиқчи Аваз Оун томошабинсиз концерт берди. Концерт "Томошабин...сиз" деб номланди. Қизиқчининг чиқиши Zo‘r TV...
Кеча, 22:00

ИИВ “Палач” номи остидаги махбуснинг қамоқхонадан авф қилинганлиги ҳақидаги хабарга муносабат билдирди

Ўзбекистон Республикаси Ички ишлар вазирлиги Жазони ижро этиш бош бошқармаси Ахборот хизматин ижтимоий тармоқларда...
Кеча, 20:10

Видео: Ўзбекистонда яқин кунларда яна 10 нафарга яқин беморлар соғайиши кутилмоқда

Вирусология илмий текшириш институти клиникаси бош шифокори, тиббиёт фанлари доктори Муҳайё Асилованинг айтишича яқин...
Кеча, 19:52
/ Муҳокамалар +1