Қўриқлаш бош бошқармаси ИИВдан Миллий гвардияга ўтказилди

8-07-2019, 12:34
Сиёсат
Қўриқлаш бош бошқармаси ИИВдан Миллий гвардияга ўтказилди
Вазирлар Маҳкамаси 3.07.2019 йилдаги “Ўзбекистон Республикаси Миллий гвардияси қўриқлаш хизматининг фаолиятини ташкил этиш тўғрисида”ги 555-сон қарорни қабул қилди.

ИИВнинг Қўриқлаш бош бошқармаси ва унинг ҳудудий бўлинмалари Миллий гвардия таркибига ўтказилди. Идорага давлат объектлари, ўта муҳим, тоифаланган ва бошқа объектларни, жисмоний ва юридик шахсларнинг мол-мулкини қўриқлашни ташкил этиш, шунингдек, давлат қўриқлаш ташкилотлари фаолиятини назорат қилиш соҳасида давлат сиёсатини амалга ошириш юклатилди. Давлат ва хўжалик бошқаруви органлари, уларнинг таркибига кирувчи юридик шахслар, шунингдек, бюджет ташкилотлари ўз объектларида рухсат бериш режимини ва мол-мулкларини қўриқлашни таъминлашда — шартнома асосида фақат Миллий гвардиянинг хизматидан фойдаланади.

Қуйидагилар Миллий гвардиянинг қўриқлаш хизмати фаолиятининг асосий йўналишлари этиб белгиланди:

қўриқланаётган объектларда ички режим, рухсат бериш режимлари ва мол-мулкни қўриқлашни, жамоат тартибини сақлашни ҳамда ҳуқуқбузарликларнинг олдини олиш ва бартараф этишга кўмаклашишни таъминлаш;
қўриқлаш фаолиятига замонавий ахборот технологиялари ва коммуникацияларини жорий этиш, қўриқлаш воситалари ва тизимларини қўллаш соҳасида ягона техник сиёсатни ҳамда улардан фойдаланиш бўйича самарали назоратни амалга ошириш;
аҳолининг Миллий гвардиянинг қўриқлаш хизматидан фойдаланишга бўлган қизиқишини оширишга қаратилган ахборот-тушунтириш мазмунидаги тарғибот-ташвиқот чора-тадбирларини амалга ошириш.

Давлат бюджети ҳисобидан молиялаштириладиган бюджет ташкилотлари учун қўриқлаш хизматларининг тарифлари (нархи) Молия вазирлиги билан келишилган ҳолда, бошқа ташкилотлар учун — Миллий гвардия қўмондони томонидан мустақил тарзда белгиланади.

Ҳужжат билан:

Ўзбекистон Республикаси Миллий гвардиясининг қўриқлаш хизмати ҳақидаги низом;
Ўзбекистон Республикаси Миллий гвардиясининг Қўриқлаш бош бошқармаси ҳақидаги низом тасдиқланди.

Уларда қўриқлаш хизматининг асосий вазифалари, ҳуқуқ ва мажбуриятлари, нарядларни ташкил этиш, идоравий қўриқлаш бўлинмаларида назорат текширувларини ўтказиш ва уларнинг фаолиятини мувофиқлаштириш тартиби, хизматнинг молиявий, моддий-техник таъминоти, ходимларнинг ижтимоий ҳимояси ва уларнинг жавобгарлиги белгиланган.

Миллий гвардия қўриқлаш бош бошқармаси таркибида қуйидагилар фаолият юритади:

Тошкент шаҳрида жойлашган давлат ҳокимияти ва бошқарув органлари объектларини қўриқлаш бўйича алоҳида батальон;
Қорақалпоғистон Республикаси, Тошкент шаҳри, вилоятлар қўриқлаш бошқармалари;
Техник қўриқлаш воситалари мониторинг ва назорат марказлари;
шаҳар-туманлар қўриқлаш батальон-отрядлари;
«Qo‘riqlash Servis» давлат унитар корхонаси.

Бош бошқарма бошлиғи ҳузурида Бош бошқарма ва бошқа қўриқлаш хизмати бўлинмаларининг 7-9 нафар тажрибали ходимлари, шунингдек тегишли соҳада илмий салоҳиятга эга олимлар таркибида маслаҳат Кенгаши тузилади. Кенгашнинг таркиби ҳар йили Бош бошқарма бошлиғи томонидан тасдиқланади. Бош бошқарма бошлиғи лавозимига кўра кенгаш раиси ҳисобланади.

Ҳужжат Қонун ҳужжатлари маълумотлари миллий базасида эълон қилинган ва 4.07.2019 йилдан кучга кирди, дея хабар қилди "Норма.уз".
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Ўзбекистонда Аи-100 маркали бензин сотила бошланди (фото)

Россиянинг «Татнефть» компанияси Тошкентдаги илк автомобилларга ёқилғи қуйиш шохобчаси (АЁҚШ)ни 20 сентябрь куни очди....
Кеча, 23:15

Навоийда “Тинчлик учун” халқаро хайрия акцияси кўтаринки руҳда ўтказилмоқда

Жорий йилнинг 20 сентябрь куни Ўзбекистон ёшлар иттифоқи Навоий вилоят Кенгаши ҳамда шаҳар Кенгаши ҳамкорлигида Навоий...
Кеча, 21:02

Видео: Тошкентда тўппонча билан босқинчилик қилган ёшлар қўлга олинди

Жорий йилнинг 12 сентябридан 13 сентябрга ўтар кечаси Тошкентда бир нафар номаълум шахс жиноий иш содир этаётганда ИИВ...
Кеча, 17:32

«Дабдабали тўй қилаётганларни ОАВ орқали кўрсатиб, бутун халқ олдида шарманда қилиш керак» – Иқбол Мирзо

Хабар берганимиздек, кеча 20 сентябрь куни, Олий Мажлис Сенатида “Тўйлар, оилавий тантаналар, маърака ва маросимлар...
Кеча, 11:24
/ Муҳокамалар +5

ДХХ Ўзбекистон - Қозоғистон чегара постида жиноий гуруҳдан жабр кўрганлардан алоқага чиқишни сўрамоқда

Давлат хавфсизлик хизмати Ўзбекистон - Қозоғистон чегара постида жиноий гуруҳдан жабр кўрганлардан алоқага чиқишни...
Кеча, 10:31
/ Муҳокамалар +1