Ўзбекистонда янги тузилаётган партиянинг номи ва платформаси маълум бўлди

14-11-2018, 16:10
Сиёсат
Ўзбекистонда янги тузилаётган партиянинг номи ва платформаси маълум бўлди
Ўзбекистонда экологик партия ташкил этилади. Юздан ортиқ экологик партия тузиш ташаббускорлари 14 ноябрда Тошкентдаги ITC бизнес марказида партия ташкилий қўмитасини шакллантирди.

Ўзбекистон экологик партияси сиёсий, иқтисодий ва ижтимоий ислоҳотларни амалга оширишда экологик ёндашувни тарғиб этади. Янги партия 2019 йилда бўлиб ўтадиган ҳокимиятнинг вакиллик органларига (Олий Мажлис Қонунчилик палатаси, Сенати ва маҳаллий депутатлар кенгашига) навбатдаги сайловларда қатнашмоқчи.

67 кишидан иборат ташкилий қўмитанинг раиси этиб Ўзбекистон экологик ҳаракати Марказий Кенгаши Ижроия кўмитаси раиси Борий Алихонов сайланди.

Ташкилий қўмитага партия таъсис ҳужжатларини тайёрлаш, аъзолар таркибини шакллантириш топширилди. Қўмита сиёсий партияни тузиш учун зарур бўлган камида саккизта вилоятда йигирма минг фуқаро имзосини 1 декабргача йиғишни режаламоқда.

Экологик партиянинг таъсис съезди 2019 йил 8 январда бўлиб ўтади. Таъсис съездида партия устави ва дастури қабул қилинади.

Партия Ўзбекистон экологик ҳаракати негизида ва ҳаракат фаоллари томонидан ташкил этилмоқда. Ташкилий қўмита раиси Борий Алихоновнинг айтишича, партия тузилгандан кейин Экоҳаракат тарқатилмайди, ўз фаолиятини алоҳида сиёсий куч сифатида давом эттираверади.

2017 йил декабрида Шавкат Мирзиёев парламентга йўллаган мурожаатномасида Экоҳаракат вакиллари учун Қонунчилик палатасидан махсус ўрин ажратишдан воз кечишни таклиф қилган эди. Президентнинг фикрича, Экоҳаракат вакилларини парламентга квота асосида киритилиши унинг фаол ва ташаббускор бўлиб ишлашини муайян даражада сусайтирмоқда. Қонунчиликка кўра, Экоҳаракатга парламентнинг қуйи палатасидан 15 ўрин ажратилади. Квотани бекор қилиш "сиёсий майдонда соғлом рақобатни кучайтиради ва Экологик ҳаракатнинг алоҳида сиёсий куч сифатида мустаҳкамланишига хизмат қилади", деб айтган Шавкат Мирзиёев.

Бугунги кунда Ўзбекистонда 4 та сиёсий партия – Ўзбекистон Халқ-демократик партияси (ХДП), "Миллий тикланиш" демократик партияси (МТДП), "Адолат" социал-демократик партияси, Тадбиркорлар ва ишбилармонлар ҳаракати – Ўзбекистон Либерал-демократик партияси мавжуд.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Тошкентда 20-30 кишилик гуруҳ тўпланган ҳудудда 15 ёшли ўсмирнинг машинасидан пичоқ ва бошқа қуроллар топилди

Тошкентда 15 ёшли ўсмирнинг машинасидан пичоқ ва бошқа қуроллар топилди. Бу ҳақда пойтахт ИИББ хабар қилди. Маълум...
Бугун, 16:28

O`zLiDeP Президентимизнинг БМТ сессиясидаги нутқидан келиб чиқадиган чора-тадбирлар режасини белгилаб олди

2020 йилнинг 26 сентябрь куни O`zLiDeP Сиёсий Кенгаши Ижроия қўмитаси ва партиянинг Олий Мажлис Қонунчилик...
Бугун, 15:43

Самарқандда 57 млрд сўмга океанариум ва муз саройи қурилади

Самарқандда океанариум ва муз саройи қурилади. Бу ҳақда STV хабар қилди. Шаҳарда раҳбарлар Family Park лойиҳасини...
Бугун, 15:30

Саида Раметовани “ўлди”га чиқаришаётган бир вақтда актрисанинг ўзи мухлислари учун видеомурожаат йўллади

Саида Раметовани “ўлди”га чиқаришаётган бир вақтда актрисанинг ўзи мухлислари учун видеомурожаат йўллади. Аввалроқ...
Бугун, 11:31

Ўзбекистонлик олимлар коронавирусга қарши вакцина устида ишламоқда

Ўзбекистонлик олимлар коронавирусга қарши вакцина устида ишламоқда. Бу ҳақда ССВ хабар қилди. Вазирликнинг маълум...
Бугун, 11:16
/ Муҳокамалар +2