Аввалроқ сайтимизда Бош вазир Абдулла Арипов Хоразмга боргани ҳақида хабар берган эдик. Бош вазир боргандан сўнг у ерда уйи бузилиб, компенсация пули тўланмаган фуқароларга пуллари тўлаб берилгани маълум бўлган эди. Шундан сўнг А. Арипов иштирокида барча ҳудудлар раҳбарлари иштирокида видеоселектор йиғилиши бўлиб ўтди. Йиғилиш кескин танқидий руҳда ўтган.
Кун.уз'нинг хабар беришича, Урганч шаҳар ҳокими Шуҳрат Абдуллаев ва шаҳар прокурори Давлатовга йўл қўйган хатолари учун ҳайфсан эълон қилинган. Хоразм вилояти ҳокими Фарҳод Эрманов ҳамда Қашқадарё вилояти ҳокими Зафар Рўзиев йўл қўйган жиддий камчиликлари учун қаттиқ огоҳлантирилган.
Шунингдек, йиғилишда юртимизда амалга оиширилаётган "снос" ишлари шахсан Президентнинг назоратида экани таъкидланди.
Йиғилишда барча ҳудудларда компенсацияси тўланмаган турар ва нотурар биноларни бузишни тўхтатиш буюрилди.
