Кеча, 27 июль санасида ДХХ раиси Абдусалом Азизов Яккабоғга борган. Бу ҳақда “Қашқадарё зиёкори” маълум қилди.
Манбанинг хабар беришича раис у ерда Баҳриддин Исомовга тегишли савдо ва маиший хизмат кўрсатиш дўкони бетон ғиштдан қурилган бино эканлигини таъкидлаб, бу бинони бузишга уринган туман масъуллари ишини қоралаган.
“Одатда пахса девордан бўлган ёки бугунги кун талабига жавоб бермай қолган бино бузилади-ку, нега тадбиркорнинг бу биносига тегинилди? – деган А. Азизов.
Шунингдек, у бугунги кун тадбиркорларни халқни боқаётганини, шу боисдан ҳам тадбиркорга халал бериш эмас, унга ёрдам бериш зарурлигини таъкидлади.
Маълум қилинишича, ДХХ раҳбари билан бўлиб ўтган мулоқотда Эски Яккабоғ ҳудуди бир ҳафта мобайнида “Обод марказ”га айланиши лозимлиги, бунинг учун вилоятдан керакли ёрдам берилиши айтилган. Қолаверса, туман ҳокимлиги вакилларининг хўжасизларча ҳаракатларидан азият чеккан фуқаролар Низом Воҳидов, Дилфуза Боқиева, Фарруҳ Жабборов ҳамда Зафар Жўраевлар каби уй-жойи бузилган 7 нафар фуқарога ҳамда ҳовли деворлари бузилган 27 нафар фуқарога 1 млрд 700 миллион сўм конпенсация пуллари тўлаб берилиши таъкидланган.
Манбанинг қўшимча қилишича, туманга ҳозирча янги раҳбар тайинланмаган.
