Президент Шавкат Мирзиёев кеча иқтисодиёт соҳаси бўйича йиғилиш ўтказган ва унда ҳокимларнинг халқ билан мулоқот қилиш маданиятига ҳам тўхталиб ўтган.
"Ҳокимларимизда маданият йўқ. Мана, яқинда 3 та туман ҳокимни жазога тортдик. Улар одамлар билан гаплашишни билмайди. Олдинги замондан қолган гаплар билан мажлислар ўтказиш, одамларни ҳақорат қилиш... Ҳокимга ким ҳуқуқ берди одамларни ҳақорат қилишга?! Бу маданиятсизлигимиздан, ўқимаганимиздан, маънавиятимиз пастлигидан далолат!", деган президент.
Давлат раҳбарининг айтишича, амалдорларнинг фаолиятига энг яхши баҳони фақат халқ беради, президентдан тортиб ҳокимларгача.
