Олий Мажлис Қонунчилик палатасидаги ЎзЛиДеП фракцияси аъзоси Расул Кушербаев сўз эркинлиги билан боғлиқ ҳолатга ўз фикрини билдирди. У ижтимоий тармоқдаги саҳифаларида қуйидагича пост қолдирди.
“Айрим ваколатли ва кучли масъулларнинг очиқлик, сўз эркинлигини бўғишга бўлган очиқча қаршилиги, босими, ҳақоратларини эшитиб бу юртда Конституция, қонунлар фақатгина оддий фуқаролар амал қилиши шарт бўлган ҳужжатлар холосми, деган хавотир пайдо бўлаяпти. Балки оширворгандирман, бироқ бори шу.
Яқинда берган саломим ўрнига "погон"ли бир шахсдан "шакал" сўзини қабул қилиб олганимда мен суянган қонунларнинг аҳволини кўриб очиқчасига қўрқишни бошладим. Қонунларда таъқиқланган камситиш, ҳақорат, босим, зўравонлик кабилар айрим мансабдорлар, ҳуқуқни мухофаза қилиши керак бўлганларнинг кундалик ишига айланаяпти. Чунки уларга келганда қонун йўқ.
Қонунларимиз, ишончимиз, иродамиз, давлат раҳбарининг одил ислоҳотларига бўлаётган жавоб учун қўрқаяпман.
Болалар ўз оталари ҳар қандай пайтда йўқолиб қолиши, чўкиб кетиши ва уйига қайтмаслигини билмай эшикка қараб кутиб ўтирадиган жамият пайдо бўлиб қолишидан қўрқаяпман. Қўрқаяпман...” – дейди депутат.
Эслатиб ўтамиз, аввалроқ Тошкента шаҳар ҳокими Жаҳонгир Ортиқхўжаевнинг журналистлар билан учрашувдаги мулоқоти аудиёзови кенг тарқалган эди.
