Сўх туманида ҳоким ўзгарди. Бу ҳақда ЎзА хабар қилди.
Маълум бўлишича, Сўх туманида навбатдан ташқари сессия бўлиб ўтган. Унда туманга янги ҳоким тайинланган. 2019 йидан бери туман ИИБ раҳбари лавозимида ишлаб келаётган Сайидбаҳром Сайидмусаев Сўх тумани ҳокими этиб тайинланган.
50 ёшли янги ҳоким аввал Қува, Бешариқ туман ва Қўқон шаҳар ИИБ бошлиғи лавозимида ишлаган. Шунингдек, у вилоят ИИБ жиноят қидирув бошқармаси бошлиғининг биринчи ўринбосари вазифасида ҳам фаолият юритган.
Эслатиб ўтамиз, аввалроқ Сўх туманида «Чашма» булоғини ариқларини биргаликда тозалаш пайтида Ўзбекистон ва Қирғизистоннинг чегарадош ҳудудлари аҳолиси ўртасида маҳаллий даражадаги ҳодиса юз берган. Шундан сўнг воқеа жойига икки давлат расмийлари етиб бориб, учрашув ўтказган эди.