Аввал хабар қилганимиздек бугун, 12 август куни Президент Шавкат Мирзиёев раислигида йиғилиш бўлиб ўтди. Унда карантин чораларини юмшатиш бўйича топшириқлар берилди.
Шавкат Мирзиёев хориждан келганларни карантинга олиш юзасидан фикр билдириб бу бўйича тегишли вазифаларни ўртага ташлади.
“Эпидемиологик вазият яхши бўлган давлатлардан келган шахсларни карантинга олмаслик тартибини жорий қилишимиз керак. Вирус камайган давлатлардан келганларни уй карантинига ва вирус камаймаган давлатлардан келганларни алоҳида карантин зонага олиш керак. 14 кун эмас, 7 кун бўлади. Мутахассислар 14 кундан 7 кунга қисқартирса бўлади дейишяпти. Шуни ҳам инобатга олиш керак”, – дейди Шавкат Мирзиёев.
