- Президентимиз Шавкат Мирзиёевнинг битирувчи курс талабалари бандлигини таъминлаш ташаббусини қўллаб-қувватлайман, - дейди Самарқанд давлат университети ректори, профессор, Олий Мажлис Сенати аъзоси Рустам Холмуродов. – Мамлакатимиз раҳбари алоҳида таъкидлаганидек: Олийгоҳ катта оила. Бу оилани раҳбари - ректор. Ота-оналар энг катта бойлигини, фарзандини уларга ишониб топширган. Шунинг учун ректорлар ҳар бир талаба билан шахсан учрашиши шарт. Бу борада ҳақиқий ҳолатни билиб, талабаларнинг оилавий аҳволи, шароити, қандай ўқияпти, муаммолари ва таклифлари, хуллас, ҳаммасидан хабардор бўлиши шарт ва зарурдир... Тўғрисини тан олиб айтганда, бу биз ректорларнинг бош мақсадимиз ва вазифамизга айланиши лозим. Шу мақсадда дастлабки учрашувни ташкил қилдик. Келгусида факультетлар кесимида мазкур мулоқотлар мунтазамлик касб этади. Талабаларни ҳар бир таклифи билан шахсан ўзим шуғулланаман. Талабалар бандлигини таъминлаш юзасидан уларнинг ўзи томонидан айтилган фикрлар назоратга олинади ва ижобий ечим топилади. Бир сўз билан айтганда талаба бандлиги илм-фан ва ишлаб чиқариш ҳамкорлигига хизмат қилишига ишонаман.
-Мен ишлашни хоҳлайман. Оиламиз катта. Тезроқ иқтисодий жиҳатдан мустақил бўлишни орзу қиламан,-дейди СамДУ тарих факультети талабаси Санжар Самандаров.- Бирон жойда иш бошласам, ўқишимга халақит бермаслигига ишонаман. Президентимиз талабалар бандлигини таъминлаш юзасидан жуда тўғри ва ўринли масалани кўтарди. Асосан дарсдан бўш вақтимизда нима қилишни билмаймиз. Ишласак ҳам иш ўрганамиз, ҳам маош оламиз, ҳам тезроқ ҳаётда ўз ўрнимизни топамиз. Ота-онамиз елкасига юк бўлиш ҳам ярашмайди. Ишлаш аввало, инсонни ўзига бўлган ишончини мустаҳкамлайди. Жамият билан интеграциялашувини тезлаштиради. Меҳнат қилиш давомида ақлий жиҳатдан ҳам ривожланиш юз беради. Бизни энг катта хатоларимиздан бири бу назария билан амалиётни бирга олиб борилмаслигидир. Ишлаган талаба тезроқ етуклик даражасига эришади. Вақтдан ҳам ютади...
Барчиной ҲАМИДУЛЛАЕВА,
Шавкат АКРАМОВ олган суратлар.
Шавкат АКРАМОВ олган суратлар.
