Маҳаллабай ишлаш ва тадбиркорликни ривожлантириш агентлиги бўлим бошлиғи Расулов Сирожиддин республикада ҳокимлар ўринбосарлари ва вакилларининг фаолияти самарадорлигига берилган баҳолар ҳақида сўзлаб берди.
Маълумотларга кўра, Ўзбекистонда маҳаллалар тизими бўйича республикада ҳокимлар ўринбосарлари ва вакилларининг фаолиятини инсон омили иштирокисиз мониторинг қилиш ва фаолиятни баҳолаш тизими жорий этилган.
Жумладан, республика бўйича 768 та маҳалла фуқаролар йиғинида мутасаддиларнинг фаолияти “аъло”, 2163 та маҳаллада “яхши”, 2770 та маҳаллада “қониқарли”, 3636 та маҳаллада “қониқарсиз” деб баҳоланди.
Қайд этилишича, “маҳаллабай” тизимида ҳоким ўринбосарлари фаолияти 6 та кўрсаткич ва 5 та ташаббускорлик омиллари бўйича баҳоланган.
Шунингдек, самарадорлик кўрсаткичлари бўйича республика бўйича энг яхши натижаларга Хоразм вилояти – 80,9 фоиз, Сирдарё вилояти – 77,5 фоизга эришилди.
