Хонанда Юлдуз Усмонова яна эътибор марказига тушиб қолди. Тармоқларда унинг иштирокидаги навбатдаги видео тарқалди.
Тарқалган видеода Усмонова муҳлислари учун рақсга тушган. Таъкидланишича, видео хонанданинг яқинлари учун ташкил этилган тадбирда олинган.
Ижтимоий тармоқ фойдаланувчилари доимгидек икки томонга бўлинди. Бир тараф хонанда 57 ёшда бўлсада ўзини сақлаб турганини айтаётган бўлса, иккинчи тараф эса хонанда бундай тадбирлар ташкил этиб, карантин нормаларини бузишда айбламоқда. Фуқаролар хонандалар томонидан карантин қоидалари бузилиб, очиқчасига тадбирлар ташкил этилаётган ва бу бўйича жазоланмаётган бир вақтда корпоративларни ўтказишни тақиқлашдан нима фойда деган мазмунда саволлар бермоқда.
Эслатиб ўтамиз, 2018 йилда Усмонова томонидан ижро этилган рақс ўзбекистонликлар томонидан кескин танқид қилинган эди. Ўшанда Ўсмонова юриб кетаётган автомобиль ёнида рақсга тушиб, Kiki Challenge’да қатнашган эди.
