Алишер Саъдуллаев: “Ёшлар Иттифоқи спам эълон қилиш акциясини ўтказиш бўйича ҳеч қандай топшириқ бермаган”

6-11-2018, 17:31
Жамият
Алишер Саъдуллаев: “Ёшлар Иттифоқи спам эълон қилиш акциясини ўтказиш бўйича ҳеч қандай топшириқ бермаган”
Ёшлар иттифоқи раиси биринчи ўринбосари Алишер Саъдуллаев ўзининг ижтимоий тармоқдаги саҳифасида ёшлар ташкилоти спамлар компаниясини қўллаб-қувватламаслигини маълум қилди.

Хабарга кўра, Марказий Кенгаш Тошкент ахборот технологиялари университетининг баъзи талабалари ҳамда бошланғич ташкилот аъзоларини “Тролл.уз” интернет лойиҳаси саҳифаларига қарши спам эълон қилиш акциясини ўтказиш бўйича ҳеч қандай топшириқ бермаган ва уларни бу ҳатти-ҳаракатларга ундамаган.

5 ноябрь куни Тошкент ахборот технологиялари университети Ëшлар иттифоқи етакчиси Умидбек Абилов айрим фаоллари билан ўзбекистонлик ижтимоий тармоқ фойдаланувчилари орасида оммабоп бўлган “TROLL.UZ” каналини ТАТУ ҳамда бошқа олий таълим муассасаларини “ҳақорат қилганлик”да айблаб каналга спам бериб ëпиш билан жазолаш ташаббуси билан чиққан эди.

Университет Ёшлар иттифоқи фаолларидан бири ташаббус матнида: "Тролл.уз” интернет канали админларининг бири ўзидан ақл ясаб олган шекилли, босар-тусарини билмай қолган. Менимча бирор-бир олийгоҳни ҳам битирмаган булар. Шунинг учун, Ўзбекистондаги (ҳозирча) 70 фоиздан кўпроқ ОТМларни ëмонлаб, устидан кулиб чиқарди. Мана шунақа юртимизнинг келажагига болта ураëтган канал админларига жазо сифатида каналини ëпишни мақсад қилиб қўйдик. @TROLLUZ каналига спам бериб ëпамиз. 05.11.2018 йил соат 13:00 дан 13:30 га қадар барчангизни "Telegram" онлайн бўлиб туришингизни илтимос қиламиз” , – деб келтиради.

Ташаббус матни ТАТУ Ëшлар иттифоқининг "Telegram" канали орқали тарқатилган ва университет Ëшлар иттифоқи етакчиси Умидбек Абилов томонидан қўллаб-қувватланган. Талабалардан ҳам ташаббус матнига муносабат билдириш сўралган.

“TROLL.UZ” лойиҳаси муаллифи, блогер Умид Ғафуров Тошкент аборот технологиялари университети ректорига бу хабарни тарқатишда иштирок этган барчанинг исм фамилияларини аниқлашда ёрдам беришни сўраб очиқ хат йўллаган.

Умид Ғафуров очиқ хатида “Менга маълум бўлишича, сиз раҳбарлик қилаётган олийгоҳ талабалари ва ўқитувчилари мен ҳақимда ёлғон хабар тарқатишяпти: ҳеч қаерда ўқимаган ва қамоқда ўтирган деган хабарлар (139, 140 моддалар ЎзР ЖК). Агарда бу хабарлар муаллифи ва иштирокчилари аниқланмаса, университет маъмуриятига қарши судга мурожаат қилишга мажбур бўламан”, – деб келтириб ўтган.

Блогер Умид Ғафуров ўзининг ижтимоий тармоқдаги каналида маълум қилишича, 5 ноябрь куни ТАТУ ректори ва университет Ёшлар Иттифоқи етакчиси ва фаоли билан бўлиб ўтган суҳбатда ёлғон хабар тарқатганлар айбларини тан олган ва ўз узрларини сўраган.

“Бу ишни судга ошириш учун асос қолмади. Айбдорлар ўз хатоларини тан олишди ва қилмишларидан пушаймон. Ҳар бир айтилган гап учун жавобгарлик борлигини унутманг" дейилади "TROLL.UZ" лойиҳаси муаллифининг "Telegram" каналидаги хабарида.

Ёшлар Иттифоқи Марказий Кенгаши Тошкент ахборот технологиялари университетининг айрим Иттифоқ фаоллари томонидан ташкиллаштирилган спам компаниясидан бехабар эканлигини билдирган.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Озода Нурсаидованинг уйи бузиб ташланди

Аввалроқ хонанда Озода Нурсаидованинг тоби қочгани, юрак хасталиги билан шифохонага ётқизилгани ҳақида хабарлар...
18-02-2019, 22:28

Бухорода ароқхўр онасидан безган болалар ўзларини Меҳрибонлик уйига жойлаштиришларини сўради

Бухоро шаҳридаги 21-умумий ўрта таълим мактаби ўқувчилари ака-ука Андрей Раҳматов ҳамда Александр Заимкин ароқхўр онаси...
17-02-2019, 19:23
/ Муҳокамалар +1

Москвадаги ўн нафар ўзбекистонлик иштирокидаги муштлашувда икки киши ҳалок бўлди

Москва жануби-шарқида ўн киши иштирокида муштлашув бўлиб ўтди, унда икки киши ҳалок бўлди, деб хабар қилди "Дарё"....
17-02-2019, 19:11

Тошкентда тўрт нафар маст эркак милиция ходимини шафқатсизларча калтаклади

2019 йил 15 феврал куни соат тахминан 20: 30 ларда Тошкент шаҳридаги «Каримбек» кафесида Қашқадарёдан пойтахтга ташриф...
17-02-2019, 18:52
/ Муҳокамалар +2

Тошкентда 8-синф ўқувчиси ҳомиладор бўлиб қолди

Тошкентдаги мактаблардан бирининг 8-синфида ўқийдиган 14 ёшли қиз 2018 йил декабрь ойида ўзи яшайдиган хонадонда 2000...
17-02-2019, 00:04
/ Муҳокамалар +2