СамДУ томонидан бугунги кунда Хитой Халқ Республикасининг 7, Россия Федерациясининг 40, Қозоғистоннинг 7, Тожикистоннинг 3, Қирғизистоннинг 1 олий таълим муассасалари билан келишувга эришилган, меморандум ва шартномалар имзоланган.
2021-2022 ўқув йилида 67 нафар хорижий фан арбоби, профессор –ўқитувчилар таълим жараёнига жалб этилди. 40 нафарга яқин мутахассислар Шанхай ҳамкорлик ташкилотига аъзо давлатлар олий таълим муассасалари олимлари ҳамда мутахассисларидан иборат бўлиб, улар масофавий ва тўғридан–тўғри университетимиз талабарига дарс ўтишди.
Бундан ташқари, университетда Хитой ҳамда Россия таълим ва маданият марказлари фаолият юритади. Мазкур марказлар ҳамкор мамлакат университетлари томонидан зарурий адабиётлар ва замонавий асбоб-ускуналар билан таъминланган.
Ҳар қандай ҳамкорлик негизини аввало, маданий-гуманитар алоқалар шакллантирар экан, илм-маърифат йўлида боғланган бу каби дўстлик алоқалари замонавий илм-фан тараққиётининг барқарор шарти бўлиши шубҳасиз.
Рустам Холмуродов,
Самарқанд давлат университети ректори,
Ўзбекистон Республикаси фан арбоби.
