Самарқанд давлат университети ва Сиан архитектура ва технология университети ҳамкорлиги

Самарқанд давлат университети ва Сиан архитектура ва технология университети ҳамкорлиги
Самарқанд давлат университети ректори, Ўзбекистон Республикаси фан арбоби Рустам Холмуродов ҳамда Хитойнинг Сиан архитектура ва технология университети (САТУ) вакиллари билан ZOOM платформаси орқали учрашди.

Самарқанд давлат университети ва Сиан архитектура ва технология университети ҳамкорлиги



Икки томонлама олиб борилган музокараларда халқаро алоқаларни янада ривожлантириш, Самарқанд давлат университети ҳамда Сиан архитектура ва технология университети билан ҳамкорлик доирасида бир қатор соҳалар: кимё технология, материалшунослик, аниқ ва табиий фанлар, архитектура каби соҳаларда академик алмашинувни йўлга қўйиш масалалари кенг муҳокама қилинди.


-Самарқанд азал-азалдан илм-фан ва маданият маркази бўлиб келган, - дейди Самарқанд давлат университети ректори, Ўзбекистон Республикаси фан арбоби Рустам Холмуродов, - Буюк Ипак йўли орқали боғланган ўзбек ва хитой халқлари ўртасидаги алоқалар узоқ ўтмиш саҳифаларига бориб тақалади. Бугунги кунда барча тармоқларда ҳамкорлик алоқалари мавжуд ҳисобланади. Самарқанд давлат университети ва Хитой университетлари ўртасидаги ҳамкорлик алоқалари бой тарихга эга. Шанхай, Ухан давлат университетлари, Шенси фан ва технология университетлари, Хинжианг физика ва кимё техника институти шулар жумласидан. Мазкур ҳамкорлик доирасида Самарқанд давлат университетининг бир қатор тадқиқотчи ва олимлари Хитой университетларига ўқиш ва стажировкада бўлиб қайтган. Сиан архитектура ва технология университети билан амалга оширилиши кўзда тутилаётган ҳамкорлик замирида ҳам шунга ўхшаш мақсад ётибди. Аммо энди нафақат ўқитувчилар, балки талаба ва магистрлар, докторантура тадқиқотчилари ҳам мазкур университетда стажировка ўташи мумкин бўлади. Қўшма таълим дастурлари ва илмий алмашинув юзасидан олиб борилган бу каби алоқалар ўз самарасини беради, Ишонаманки, мазкур учрашув икки нуфузли университет нигоҳини бирлаштирган ҳолда илм-фан оламида чуқур салоҳиятли янги авлод кашф этади.



-Бугунги учрашувда Сиан архитектура ва технология университети ва СамДУ ўртасида кенгайтирилган ҳамкорлик муносабатлари муҳокама қилинди, - дейди кимё факультети декани Санжар Тиллаев, - Ҳозирги куннинг энг долзарб ва асосий йўналишлари бўлган аниқ ва табиий фанлар, материалшунослик, менежмент, инсон ресурсларини бошқариш, архитектура ва санъатшунослик каби йўналишларда биргаликда магистр ва докторантлар алмашинувини йўлга қўйиш бўйича келишувларга эришилди. САТУ профессор-олимларининг мавжуд имконият ва салоҳиятларини СамДУ олимлари билан бирлаштирган ҳолда ўзаро ҳамкорликда барқарор ривожланган келажак асосларини яратувчи илмий янгиликларга эришиш, илмий-академик алмашинув асосида тадқиқотлар олиб бориш масалаларида бир қатор амалий таклифлар илгари сурилди. Ўйлайманки, Самарқанд давлат университети билан САТУ ўртасидаги ҳамкорлик дунё бўйлаб долзарб мавзуларда тадқиқотлар олиб бориш, илм-фан оламида янги кашфиёт ва янгиликлар яратиш учун муҳим омил бўлади.




Учрашув давомида Самарқанд давлат университети ҳамда Сиан архитектура ва технология университетлари ўртасида ҳамкорлик меморандуми имзоланди.



Мазкур ташриф икки мамлакат ўртасида илм-фан ва таълим соҳасидаги мустаҳкам ҳамкорликни барча соҳаларда истиқболли йўлга қўйишнинг муҳим воситаси бўлди.



Ирода Бекмуродова,
Самарқанд давлат университети
Ахборот хизмати ходими.
Шавкат Акрамов олган суратлар.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09

“Сиз борки, бу ҳаёт бор”…

Самарқанд давлат университетида 8 март - Халқаро хотин-қизлар куни муносабати билан байрам тадбири бўлиб ўтди. Тадбирни Самарқанд давлат...
7-03-2024, 08:06
Ўзбекистон янгиликлари » Жамият » Самарқанд давлат университети ва Сиан архитектура ва технология университети ҳамкорлиги