Ўзбекистонда 1 май куни Каспий денгизининг шимолий ҳудудларидан нам ҳаво оқимлари кириб келади. Республиканинг шимолий ҳудудларида кечаси ва эрталаб, куннинг иккинчи ярмида эса Тошкент, Самарқанд, Жиззах, Сирдарё вилоятларида айрим жойларга қисқа муддатли ёмғир ёғиб, момақалдироқ бўлиши мумкин. Ҳарорат кечаси 10-15 даража, кундузи 20-25 даража атрофида бўлади.
2 майдан 4 майгача бутун Ўзбекистон ҳудуди бўйлаб об-ҳаво кам булутли бўлади, бу даврда ёмғир ёғиш эҳтимоли кам. Ҳарорат фони кечаси 10-15 даража, кундузи 2-3 май кунлари 20-25 даража, атрофида бўлади. 4 майдан бошлаб эса Туркманистон ҳудудидан иссиқ ҳаво оқимлари кириб келиши сабабли ҳарорат кўтарила бошлайди, айниқса шимоли-ғарбий ва жанубий туманларда 23-28 даража, айрим жойларда 30-32 даражагача кўтарилади. Бундай ҳарорат меъёрий қийматлардан ўртача 3-5 даражага юқоридир.
