Аввалроқ Ўзбекистонда маълум бир тилга давлат тили билан бир қаторда расмий тил мақомини бериш ҳақидаги мунозаралар авж олиб кетган эди. Шундан сўнг қатор ташкилотлар, раҳбарлар ушбу масала юзасидан ўз позициясини билдирди.
Хусусан, ушбу вазиятдан сўнг “Юксалиш” умуммиллий ҳаракати аҳолининг барча қатламлари манфаатларини инобатга олган ҳолда, конструктив таклифлар ишлаб чиқди. Таклиф ҳаракатнинг матбуот хизмати томонидан эълон қилинди. Таклифлар қаторида ўзбек тилини бепул ўргатиш ҳам ўрин олган.
Малакали мутахассисларни жалб қилган ҳолда, ўқув муассасалари ёки манфаатдор томонлар биноларида ўзбек тилини ўргатиш бўйича бепул курслар ташкил этиш. Бу ерда фуқаролар инновацион педагогик технологиялар асосида ўзларининг сўзлашув нутқини ва саводли ёзиш бўйича кўникмаларини оширишлари мумкин бўлади, дейилади “Юксалиш” умуммиллий ҳаракати томонидан илгари сурилган таклифда.
