АҚШдаги агентлик Ўзбекистонда таълимни ривожлантириш учун миллиардлаб пул ажратди

13-05-2019, 16:24
Жамият
АҚШдаги агентлик Ўзбекистонда таълимни ривожлантириш учун миллиардлаб пул ажратди
АҚШнинг Халқаро тараққиёт агентлиги (USAID) Ўзбекистонда халқ таълими соҳасидаги ислоҳотларни амалга ошириш, хусусан, ахборот-коммуникация технологиялари ҳамда инглиз тилини ўқитишни ривожлантириш учун $19,5 миллион (165 миллиард сўм) миқдорида грант тақдим этиш ҳақида қарор қабул қилди.

Мазкур маълумот АҚШ ҳукуматининг www.grants.gov сайтида эълон қилинди.

Ушбу маблағлар мактаб бошқарувига, ўқув қўлланмаларни такомиллаштиришга ҳамда ўқитувчиларнинг мазкур ўқув қўлланмалардан таълим жараёнида фойдаланиш бўйича билимларини оширишга сарфланади. Қолаверса, мазкур лойиҳа ёрдамида таълим муассасаларида шаффофлик таъминланиб, мактаб бошқарувини ривожлантириш усуллари ва стратегияси ишлаб чиқилади.

Хусусан, лойиҳа Халқ таълими вазирлигининг ўқувчиларнинг ахборот технологиялари соҳасида билим ва кўникмаларини оширишга қаратилган “ИТ Натион” ташаббусини амалга оширишда илмий асосланган стратегия яратишда кўмак беради.

Эътиборлиси, ушбу лойиҳа Президентимиз Шавкат Мирзиёев илгари сурган беш ташаббуснинг учинчи қисмини амалга ошириш ҳамда янги тизимда ижтимоий, маънавий ва маърифий ишларни ташкил этишда ўз ҳиссасини қўшади. Эслатиб ўтамиз, беш ташаббуснинг учинчи йўналиши аҳоли ва ёшларни компьютер ҳамда интернетдан самарали фойдаланишини ташкил этишга қаратилган.

Таъкидлаш жоизки, таълим соҳасидаги муаммолардан бири ўқувчиларнинг билим ва кўникмаларини объектив баҳолаш воситаларининг йўқлигидир. USAID агентлиги кўмагида юртимиз умумтаълим мактабларининг бошланғич синфларида ўқиш ва математика (EGRA & EGMA) фанлари бўйича тадқиқот ишлари олиб борилади. Ушбу тадқиқотлар ўғил-қизларнинг билимидаги бўшлиқларни аниқлашга ёрдам беради ва ушбу муаммоларни бартараф этиш чораларини кўради.

Шунингдек, USAID агентлиги мазкур лойиҳа давомида Халқ таълими вазирлигига замонавий таълим усулларини жорий этиш йўллари билан бир қаторда мамлакатимиз мактабларида инглиз тилини ўқитишни такомиллаштиришга қаратилган “English speaking nation” дастурини амалга оширишда ёрдам беради.

Эслатиб ўтамиз, тақдим этилган мазкур грант Халқ таълими вазирлиги ҳамда АҚШ ҳукумати ўртасидаги таълим соҳасини қўллаб-қувватлаш бўйича ҳамкорлик доирасида амалга оширилган дастлабки лойиҳалардан бири ҳисобланади.

Ушбу ҳужжатни Халқ таълим вазири Шерзод Шерматов ҳамда Жанубий ва Марказий Осиё масалалари бўйича давлат котибининг ўринбосари, элчи Элис Уэллс, шунингдек, АҚШнинг Халқаро тараққиёт агентлиги (USAID) раҳбарининг Марказий ва Жанубий Осиё бўйича ўринбосари ёрдамчиси Хавьер Педра жорий йилнинг 27-февралида Тошкент шаҳрида имзолаган, дея хабар қилди "Халқ сўзи".
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Чирчиқда 45 ёшли эркак 18 ёшли фуқарони ўғирлаб кетиб шафқатсизларча ўлдирди

Тошкент вилоятининг Чирчиқ шаҳрида қотиллик содир бўлди. Шу йил 9 сентябрь куни соат 20:30 да 45 ёшли М.М. Чирчиқдаги...
21-10-2019, 19:18

"700 доллар бермасанг эрига хиёнат қилди дейман" – Тошкентда "шантажлик"

Тошкентда 35 ёшли Абдувахоб Н. 37 ёшли Шахло Т.дан қўрқитиш йўли билан 700 доллар ишлаб олмоқчи бўлган. Маълум бўлишича...
21-10-2019, 18:22
/ Муҳокамалар +2

Видео: "Браво"даги Шаҳлога жамоадошлари "Каптива" совға қилди

"Браво" жамоаси аъзоси Шаҳло Зоировага жамоадошлари туғилгани куни муносабати билан автомашина совға қилишди. Ижтимоий...
21-10-2019, 18:07
/ Муҳокамалар +3

Қашқадарёда йигит ўз жонига қасд қилди

Қашқадарёнинг Қарши туманида 15 ёшли йигит ўз жонига қасд қилди. 2004 йилда туғилган Р.А. ўзини каналга ташлаб...
21-10-2019, 16:06

O‘zLiDeP: “Миллий тикланиш”нинг бизга рақиб сифатида майдонга чиқишига ҳали анча эрта”

O‘zLiDePни жиғига тегиш, уни асоссиз танқид қилиш ҳисобига обрў орттиришни мақсад қилиб олган Bayonoff.uz...
21-10-2019, 15:53
/ Муҳокамалар +1