Тошкент шаҳар ҳокими шаҳарсозлик лойиҳаларида франциялик ишбилармонларни ҳамкорликка чорлади

16-05-2019, 15:51
Жамият
Тошкент шаҳар ҳокими шаҳарсозлик лойиҳаларида франциялик ишбилармонларни ҳамкорликка чорлади
Тошкент шаҳар ҳокими Жаҳонгир Артикходжаев ва “MEDEF International” ўзбек-француз ишбилармонлари кенгаши вакиллари иштирокида учрашув бўлиб ўтди. Бу ҳақда пойтахт ҳокимияти матбуот хизмати хабар қилди.

Ўзаро мулоқот давомида савдо-иқтисодий, инвестициявий, транспорт-коммуникация ва туризм йўналишларида алоқаларни ривожлантириш масалалари кўриб чиқилди.

Тошкент шаҳар ҳокими Жаҳонгир Артикходжаев Тошкент ҳаётида янги давр бошлангани, пойтахтимизда аҳоли учун муносиб турмуш шароитларини яратиш ва халқимизнинг турмуш фаровонлигини ошириш йўлида кенг кўламли бунёдкорлик тадбирлари олиб борилаётганлигини қайд этди. Бундай шаҳарсозлик лойиҳаларида дунёнинг илғор давлатлари тажрибасидан фойдаланиш муҳимлигига эътибор қаратиб, франциялик ишбилармонларни бу борада ҳамкорликка чорлади.

“MEDEF International” ўзбек-француз ишбилармонлари кенгаши раиси Кристоф Фонтейн Ўзбекистон ва Тошкентда барқарор иқтисодий ўсиш кузатилаётган, барча соҳаларда янгиланиш, ривожланиш жараёнлари кечаётганлигини эътироф этиб, Франция томони ҳам ҳар томонлама алоқаларни мустаҳкамлаш ҳамда тараққий эттиришдан манфаатдорлигини билдирди.

Учрашув давомида тадбирда иштирок этган 30дан ортиқ француз компанияларининг Тошкент билан ҳамкорлик бўйича таклифлари кўриб чиқилди.

“Vinci” компанияси раҳбари пойтахтимизда барпо қилиниши режалаштирилган кўприклар ва меҳмонхоналар қурилишида иштирок этиш нияти борлигини маълум қилди. “Suez”, “Sade”, “BRL Ingenierie” компаниялари эса ичимлик, оқава ва суғориш учун сув таъминоти билан боғлиқ илғор технологиялар лойиҳалари таклифини киритишди. Шунингдек, мулоқот давомида ахборот технологиялари, транспорт коммуникациялари, қурилиш моллари ва озиқ—овқат маҳсулотларини етказиб бериш борасида қатор таклифлар кўриб чиқилди.

Хабарда айтилишича, Тошкент шаҳар ҳокими пойтахт ҳудуди кенгайиши муносабати билан Янги Тошкент концепцияси тайёрланаётгани ҳамда “MEDEF International” ўзбек-француз ишбилармонлари билан асосан ушбу ҳудудда қўшма лойиҳалар амалга оширилишини маълум қилган.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

ЎзМУ талабасига Президент совғаси топширилди

Куни кеча Президент Шавкат Мирзиёев ЎзМУда олий таълим ва илмий-тадқиқот муассасалари раҳбарлари, академиклар, ёш...
Кеча, 13:44

Саида Мирзиёева муҳим қарор лойиҳасини жамоатчилик муҳокамасига қўйганини маълум қилди

Ахборот ва оммавий коммуникациялар агентлиги директори ўринбосари Саида Мирзиёева Ўзбекистон Республикаси...
24-05-2019, 16:18
/ Муҳокамалар +2

Ойналар "тонировка" қилингани учун жарима миқдори 25 бараварга оширилди

Ўзбекистон Республикасининг Маъмурий жавобгарлик тўғрисидаги кодексига ўзгартиш ва қўшимчалар киритилди. Унга кўра...
24-05-2019, 10:54

Андижон туман ҳокими танқидларга чидай олмай газетани судга берди

Андижон тумани ҳокими Улуғбек Исомиддинов вилоят ҳокимлигининг нашри – «Андижоннома» ижтимоий-сиёсий газетаси...
24-05-2019, 10:32

Шавкат Мирзиёев ва Абдулла Арипов Олмазор туманига боради

Бугун, 24 май куни Ўзбекистон Президенти Шавкат Мирзиёев Тошкент шаҳридаги бунёдкорлик ишлари билан танишади ва бир...
24-05-2019, 10:25