Саида Мирзиёева: «Вазирлик ва идоралар матбуот хизматларининг фаолияти суст даражада қолаяпти»

21-05-2019, 09:25
Жамият
Саида Мирзиёева: «Вазирлик ва идоралар матбуот хизматларининг фаолияти суст даражада қолаяпти»
Ахборот ва оммавий коммуникациялар агентлиги директорининг ўринбосари вазирлик ва идоралар матбуот хизматларининг фаолияти суст олиб борилаётганини танқид қилди ва уни бартараф этиш йўллари кўрилаётганини таъкидлаб ўтди. С. Мирзиёева ушбу мавзуга бағишлаб фейсбукдаги расмий саҳифасида қуйидагича пост қолдирди.

Ушбу постда долзарб мавзу - давлат органлари матбуот хизматлари фаолиятига доир фикрларим билан бўлишмоқчиман. Бу мавзу журналистлар томонидан тез-тез кўтарилмоқда ва ахборот соҳаси учун муҳим аҳамиятга эга.

Мутахассисларнинг бу борадаги фикрлари ва хорижий амалиётни ўрганиб, мамлакатимиз вазирлик ва идоралари матбуот хизматларининг фаолияти, афсуски, суст даражада қолаётганини қайд этишга мажбурмиз.

Матбуот хизматларининг иши сустлиги ва кўпгина давлат органлари раҳбарлари ОАВ билан мулоқот қилиш заруриятини англаб етмагани оқибатида мамлакатимиз аҳолисининг ислоҳотлар бориши тўғрисида хабардорлиги паст, уларни етарли даражада идрок этмаяпти ҳамда Президент ва ҳукумат томонидан қабул қилинаётган қарорларнинг моҳияти ва тафсилотларини тўлалигича англамаяпти. Давлатимиз томонидан оширилаётган кенг миқёсли ишлар мамлакат ичида ҳам, хорижда ҳам етарли даражада ёритилмай, сезилмай қолмоқда.

Оқибатда, бундай вазият текширилмаган ахборот, асоссиз миш-миш ва уйдирмаларнинг пайдо бўлишига олиб келмоқда, улар кенг тарқалиб, матбуот хизматлари томонидан муносабатсиз қолдирилган бир шароитда аҳоли ўртасида тушунмовчилик ва норозилик келтириб чиқариши мумкин.

Вазият матбуот хизматлари кадрлар салоҳияти чеклангани, уларнинг моддий-техник жиҳозланиши ва ходимлари малакаси даражаси пастлиги билан янада кескинлашмоқда.

Кўриб турганингиздек, олдимизда турган муаммо жиддий ва кенг қамровли. Ўйлайманки, бу амалдаги ҳужжатларга қўшимча равишда комплексли норматив-ҳуқуқий ҳужжат ишлаб чиқиш ва қабул қилишни тақозо этади.

Хусусан, матбуот хизматларининг давлат органлари ва жамият ўртасидаги ишончли кўприк сифатида самарали фаолиятини таъминлаш, матбуот котиби мавқеини ошириш, мунтазам равишда малака ошириш курсларини ташкил этиш лозим ва ҳоказо.

Биз бу борадаги ишларни бошлаганмиз. Жумладан, тегишли таклифлар ишлаб чиқиш ва норматив-ҳуқуқий ҳужжатни тайёрлаш бўйича махсус гуруҳ тузилган.

Бундай чора-тадбирларнинг қабул қилиниши мамлакатимиз ахборот соҳасини ривожлантириш учун шароитлар яратишга, шунингдек, энг муҳими, давлат ва жамият ўртасидаги мулоқот асосларини салмоқли даражада мустаҳкамлашга хизмат қилади, - дейди С. Мирзиёева.
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Хамид Нукус 21 май 2019 22:34
ТУГРИ !!!
Хамма давлат идораларда матбуот булимлари буса яхши…

МУНОСАБАТ БИЛДИРИШ

Сўнгги янгиликлар

«Эктор Купер футбол ‘стил’имизга тўғри келмайди» – Машарипов Бабаян ва Куперни Ўзбекистон МТЖ мураббийлигига нолойиқ деб топди

Футбол бўйича Ўзбекистон миллий терма жамоаси аъзоси Жалолиддин Машарипов жамоага нолойиқ деб билган мураббийлари...
Бугун, 22:19

Ўзбекистонда 6 апрелдан фавқулодда ҳолат эълон қилинадими?

Ўзбекистонда фавқулодда ҳолат эълон қилиниши билан боғлиқ ижтимоий тармоқларда видеохабар тарқалди. Маълум бўлишича,...
Бугун, 21:45
/ Муҳокамалар +1

“Ўзбекистон коронавирус учун ажратган пул айрим бой давлатларникидан 2-3 баробар кўп” – Содиқ Сафоев

Бугун, 5 апрел куни Халқаро пресс клубнинг навбатдаги сонида Ўзбекистон Республикаси Олий Мажлис Сенати раисининг...
Бугун, 21:29
/ Муҳокамалар +1

Ўзбекистоннинг 600 тонна гуманитар ёрдами Афғонистонга етиб борди

Ўзбекистон Афғонистонга гуманитар ёрдам берди. ТИВнинг хабар беришича мамлакатимиз томонидан юборилган 600 тоннага яқин...
Бугун, 21:12

Коронавирус 40 даража иссиқда ҳам нобуд бўлмаслиги маълум қилинди

Бугун бўлиб ўтган брифингда Санитария-эпидемиология назорати давлат инспекцияси бошлиғи Нурмат Отабеков коронавирус...
Бугун, 18:46
/ Муҳокамалар +1