«Озодлик» мухбири Тошкентга келиши биланоқ депортация қилинди

6-06-2019, 17:58
Жамият
«Озодлик» мухбири Тошкентга келиши биланоқ депортация қилинди
«Озодлик» мухбири Умид Бобоматов Тошкентга учиб келиши билан Ўзбекистондан чиқариб юборилди. Бу ҳақда "Газету.уз" хабар қилди.
«Озодлик» Радиоси ўзбек хизмати мухбири Умид Бобоматов 4 июнь куни Тошкентга учиб келиши биланоқ Ўзбекистондан депортация қилинди. Бу ҳақда унинг ўзи Facebook-саҳифасида маълум қилди.

«Кеча, 4 июнь куни Тошкентга учиб боришим билан мени дарҳол, ҳеч қандай тушунтириш, баённомалар, имзо ва бошқа расмиятчиликларсиз мамлакатдан чиқариб юборишди», — деб ёзди у.

Постга Умид Бобоматовга депортация вақтида берилган ҳужжат фотосурати илова қилинган. Унда: «Ҳужжат эгасига Ўзбекистон Республикаси ҳудудига киришга рухсат берилмади», деб ёзилган.

Худди шу ҳужжатда журналистни Москвадан Тошкентга олиб келган авиатушувчи — «Ўзбекистон ҳаво йўллари» компаниясига йўловчини қайтариб олиб бориш тавсия этилган ва шундай қилинди.

Шунингдек, ҳужжатда йўловчи келган мамлакатда такроран текширувдан ўтказилиши тавсия этилган. Журналистнинг қайд этишича, Москвага қайтиб борганидан сўнг Федерал хавфсизлик хизмати билан суҳбат бўлиб ўтган.

Умид Бобоматов депортация сабаби унга маълум эмаслиги, бу унинг касбий фаолияти билан боғлиқ бўлиши мумкинлигини таъкидлади.

Умид Бобоматов Россия фуқароси бўлиб, «Озодлик"нинг Москвадаги мухбири ҳисобланади. Бунга қадар у мунтазам равишда Ўзбекистонга келиб турган.

Май ойида Ахборот ва оммавий коммуникациялар агентлиги «Озодлик"нинг иш услубини танқид қилиб, унинг мухбирларини журналист этикасига риоя қилмасликдан айблаган эди («Озодлик» сайти Ўзбекистонда очилмайди).

«„Озодлик“ таҳририятининг нохолис ва асосан ишончсиз материалларни нашр этишга қаратилган бир ёқлама ва янглиш сиёсати жамоатчилик, умуман глобал аудиториянинг чалғишига сабаб бўлиб, бу вазият кўплаб саволларни келтириб чиқармоқда. Бундан ташқари, ижтимоий ва маиший масалаларга қасддан сиёсий тус бериш, алдов йўли билан маълумот тўплаш ҳамда аудиоёзувларни сохталаштириш ҳолатлари ҳайратланарлидир», — деб ёзган эди агентлик раҳбари Комил Алламжонов.
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Шохрух 6 июн 2019 21:23
Пошел он в жопу
Dilim 7 июн 2019 00:09
Juda töĝri qilishibdi
Умид 7 июн 2019 04:52
Тугри килишибди. Барака топишсин.
Реалист 7 июн 2019 07:28
Минг афсус.Агар TV ва газеталар тинимсиз мақтовларни йиғиштириб,проблемаларни очиқ-ойдин ёритганда,«Озодлик»ни кераги бўлмасди.Ахир Мирзиёевнинг
ўзи «мен Ўзбекистондаги янгиликларни «Озодлик»дан билиб тураман деган эдику.«Озодлик» коррупционерларга ёқмайди
холос.
Madina 10 июн 2019 17:58
Yaxshi qililishgan ula rasayam aldoqchi hammasi bumaga gaplani yozip chiqaradi bizga keremas bizda uzimizga yoqadiga muhim axborot yetkazib beradiga saytla judayam ko'p

МУНОСАБАТ БИЛДИРИШ

Сўнгги янгиликлар

Татаристонда ўзбекистонлик йигит йил талабаси бўлди. Энди у дунёнинг исталган ОТМсида ўқиши мумкин

Ўзбекистонлик Камолиддин Бобохонов "Татаристоннинг 2019 йил талабаси" бўлди. У 50 минг рубль ютиб олишдан ташқари...
Кеча, 21:24

Зойир Мирзаев илк бор ариққа туширилган фермерлар воқеасига изоҳ берди

Қашқадарё вилояти ҳокими Зойир Мирзаев тармоқларда кенг муҳокама қилинган мавзу юзасидан илк бор изоҳ берди. Бу ҳақда...
Кеча, 19:46
/ Муҳокамалар +1

Шаҳноза Мирзиёева Европанинг энг йирик масжидларидан бирига борди (+фото)

Мактабгача таълим вазирлигининг Мактабгача таълим соҳаси сиёсатини шакллантириш ва юритиш бош бошқармаси бошлиғи...
Кеча, 17:37
/ Муҳокамалар +2

Сирдарёда 70 минг сўмга фоҳишалик қилган қиз ИИБ ходимига 400 минг сўм пора таклиф қилди

Сирдарё вилоятида фоҳиша ИИБ ходимига пора таклиф қилди. Бу ҳақда EVERYDAY.UZ мухбири ОАВда тарқалган хабарларга таяниб...
Кеча, 17:07

Андижонда суд қарорига норозилигини билдириб ўзини ёққан фуқаро вафот этди

Аввалроқ сайтимизда Андижонда фуқаро ўзини ёқиб юборгани ҳақида хабар берган эдик. Маълум бўлишича 45 фоизга куйиш...
Кеча, 13:49