Депутат "квартира" ва "дом" сўзларини "хонадон" ҳамда "уй"ларга алмаштиришни таклиф этди

10-06-2019, 11:34
Жамият
Депутат "квартира" ва "дом" сўзларини "хонадон" ҳамда "уй"ларга алмаштиришни таклиф этди
Олий Мажлис Қонунчилик палатасининг Саноат, қурилиш ва савдо масалалари қўмитаси томонидан «Кўп квартирали уйларни бошқариш тўғрисида»ги қонуни лойиҳасининг муҳокамаси бўйича дебат ўтказилди.

Мазкур қонун лойиҳаси 2019 йил 2 май куни Олий Мажлис Қонунчилик палатаси томонидан биринчи ўқишда қабул қилинган ва 4 май куни парламентнинг расмий веб-сайтига жойлаштирилган.

Ушбу қонун лойиҳасига депутатлар ўз нуқтаи назарини билдирди. Жумладан депутат Даврон Арипов мазкур қонун лойиҳасига қуйидагича эътироз билдирди.

– Қонун лойиҳаси бугунги кунда энг долзарб бўлган ижтимоий масалалардан бирини ечишга қаратилгани билан аҳамиятли, деб ўйлайман. Аммо «Кўп квартирали уйларни бошқариш тўғрисида»ги қонун лойиҳасининг номига эътироз билдирмоқчиман. «Кўп квартира» нима дегани ўзи? «Кўп» деб нечта уй ёки қанча хонадон назарда тутилмоқда? Ваҳоланки, лойиҳада «квартира» сўзига таъриф ҳам берилмаган. Бой ўзбек тилида, наҳотки, «квартира» маъносини ифодаловчи муқобил сўз топилмаса?! Топилади, албатта. Қўллаётган сўзимизга, давлат тилига масъулият билан ёндашсак, «квартира», «дом» каби сўзлар ўрнига мос равишда «хонадон», «уй» сўзларини қўллар эдик.

Бугунги кунда амалиётга назар солсак, фуқаро расмий ҳужжатга уй манзилини ёзаётганда, масалан, 45-уйнинг 15-хонадони, деб қайд этса, у кўп қаватли уйда яшашини англатади. Агар шахс ҳовлида истиқом қилса, бунда фақат турар-жой сифатида уй рақамининг ўзи қайд этилади, холос. Демак, реал ҳаётдаги ушбу ҳолат лойиҳанинг номини ўзгартиришга монелик қилмайди. Ҳужжатнинг номланиши халқимизга тушунарли бўлса, бу давлат тилига ҳурмат, айни пайтда қонунчиликдаги муҳим ютуқ ҳисобланади, - дейди депутат.
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
FuatEY 10 июн 2019 12:35
Juda tögri taklif...
Музаффар 10 июн 2019 15:11
БОШКА ИШларинг ЙУКМИ?ДЕПУТАТ,ПАРЛАМЕНТ,ИНТЕРНЕТ, БОТИНКА. , МАТЕМАТИКА. ! СУЗЛАР КУП арматура! Фамилиянгни хам угнаб ол УЗБЕК!

Э УТИРИБ ОЛИБ, ДПУТАТ , ПАРЛАМЕНТ. , ЖУРНАЛ. , ИНТЕРНЕТ. , БОТИНКА , галстук БУЙНИНГДАГИ! СУЗЛАРИНИ алмаштир ФАМИЛИЯни хам угнаб ол!УЗБЕК.!
Реалист 10 июн 2019 15:23
Ўзбек тили жуда бой тил,чунки асрлардан бери бошқа тиллардан ўзига керакли сўзларни олиб бойиб келган,хатто хонадон сўзи хам ўзбекча сўз эмас,форсийдан кирган.Бу табиий хол,бундан қўрқмаслик керак.Масалан:
сомовор ўзбекча сўзми?ёки мошина,телефон,телевизор ёки депутат сўзи ўзбекчами?Йўқ.
Бу тилнинг бойиш жараёни.
Депутатча бекорчиликдан зерикиб қолибди,қўлига кетмон бериб далага хайдаш керак,бундай пиарчи депутатни.
Одам 10 июн 2019 15:25
Депутат сузиниям узбекчага перевод Килинг
Призидент 11 июн 2019 08:31
21 асир давлатлар космис ой ни забд этишябди бизни иш ёкмас ларимиз квартира сузини хонадон сузи б/н овора бошка хеч проблемамиз йукдек
Мирмахмуд 11 июн 2019 11:34
Шу сайтнинг рус тилидаги булимида узбекь тилини кашшокдан олиб кашшокка солиб ётибдирку рус тили тарфдорлари,ювошлик хам эви билан миллатдошлар!
Ботир 12 июн 2019 19:39
Хонодон форс тожик тилидан олинган буни урнига туркий суз ишлатиш керак. Булмаса форсча айтдикми лотинча айтикми нима фарки бор

МУНОСАБАТ БИЛДИРИШ

Сўнгги янгиликлар

Ўзбекистонда Аи-100 маркали бензин сотила бошланди (фото)

Россиянинг «Татнефть» компанияси Тошкентдаги илк автомобилларга ёқилғи қуйиш шохобчаси (АЁҚШ)ни 20 сентябрь куни очди....
Кеча, 23:15

Навоийда “Тинчлик учун” халқаро хайрия акцияси кўтаринки руҳда ўтказилмоқда

Жорий йилнинг 20 сентябрь куни Ўзбекистон ёшлар иттифоқи Навоий вилоят Кенгаши ҳамда шаҳар Кенгаши ҳамкорлигида Навоий...
Кеча, 21:02

Видео: Тошкентда тўппонча билан босқинчилик қилган ёшлар қўлга олинди

Жорий йилнинг 12 сентябридан 13 сентябрга ўтар кечаси Тошкентда бир нафар номаълум шахс жиноий иш содир этаётганда ИИВ...
Кеча, 17:32

«Дабдабали тўй қилаётганларни ОАВ орқали кўрсатиб, бутун халқ олдида шарманда қилиш керак» – Иқбол Мирзо

Хабар берганимиздек, кеча 20 сентябрь куни, Олий Мажлис Сенатида “Тўйлар, оилавий тантаналар, маърака ва маросимлар...
Кеча, 11:24
/ Муҳокамалар +5

ДХХ Ўзбекистон - Қозоғистон чегара постида жиноий гуруҳдан жабр кўрганлардан алоқага чиқишни сўрамоқда

Давлат хавфсизлик хизмати Ўзбекистон - Қозоғистон чегара постида жиноий гуруҳдан жабр кўрганлардан алоқага чиқишни...
Кеча, 10:31
/ Муҳокамалар +1