Банкоматдан пулини нақд қилувчилар диққатига! Пулни дарҳол санаб олинг

Банкоматдан пулини нақд қилувчилар диққатига! Пулни дарҳол санаб олинг
Андижонда банкомат мижозларни "алдади". Бу ҳақда андижонлик Нурилло Нўъмонов кўрган билганларини баён этди.

Ўтган шанба – 8 июнь куни жуда қизиқ иш бўлди. Нақд пулга эҳтиёж сезиб, ҳамкасблар «Асакабанк»нинг Андижон шаҳрида «24/7» режимида куну тун хизмат кўрсатувчи, яқинда ҳам банкоматидан бир уринишда 5 миллион сўмгача нақд пул «ечиб» олиш мумкин бўлган шохобчасига бордик. Тахминан йигирманчи бўлиб навбатга турдик.

Эътибор берсангиз, пластик картасидаги маблағни нақдлаштирган аксарият мижозлар пулни санамасдан киссага уришади. Чунки тасаввуримизда банкомат комьпютерлаштирилган, аниқ ишлайди, алдамайди, деган тушунча бор. Биздан олдин пул «ечган»лар ҳам балки шу ўйга боришганидан, эҳтимол, навбати келгунча кутиб зерикканидан, пулни санамасдан чўнтакка солиб чиқиб кетишди. Аммо... банкомат ҳам алдаркан!

Навбатда турганлардан бири пластик картасидан 400 минг сўм пул «ечди». Банкомат эса унга... 200 минг сўм санаб берди. Мижоз пулнинг «чўғи» камлигини сезиб, ҳаммани ҳушёрликка чорлади: «Одамлар, банкоматдан чиққан пулларни сананглар!»

Шундан сўнг «эксперимент» бошланди. Ажабки, «операция» бир хил давом этаверди. 7 киши пластик карталаридан банкоматга 250 минг уриб, 125 минг сўм, 200 минг уриб, 100 минг сўм... қисқаси, тенг ярмига «ечиб» олдилар.

Шанба банкларда иш куни эмас. Алданган мижозлар шовқин-сурон кўтаришди. Зум ўтмай, масъул ходим етиб келди. Пластик карталар текширилди. Банкомат ҳаммани «алдабди». Ҳисоб-китоб жой-жойига қўйилди.

- Нега бунақа бўлди?

Бу саволга банкоматга масъул бўлган мутахассис изоҳ берди: «Кассеталар алмашиб қопти!»

Тушундикки, банкоматнинг 10 минг сўмлик ва 5 минг сўмлик купюралар солинадиган кассеталари ўрни алмашиб қолган. Хатоликнинг асосий сабаби шу.

Айни мавзуда бонг уришдан мақсад – банкоматга тез-тез иши тушадиган мижозларни огоҳлантириш, холос. Пластик картадан нақдлаштирдингизми, пулингизни эринмай санаб қўйинг. Тағин ҳисобингиз чиқмай, хуноб бўлиб юрманг, «кассеталар алмашиб қолиши» мумкин!

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида Наврўз сайллари

Самарқанд давлат университетида Наврўз тантаналари эрта тонгдан бошланиб, байрам сайлларига уланиб кетди. Миллий куй-қўшиқлар, бетакрор...
20-03-2024, 10:14

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09
Ўзбекистон янгиликлари » Жамият » Банкоматдан пулини нақд қилувчилар диққатига! Пулни дарҳол санаб олинг